ახალი სასწავლო წლის დაწყებამდე სულ ცოტა დრო რჩება.
როგორ ხვდება ჩოხატაური 2022-2023 სასწავლო წელს – ამ საკითხის შესახებ საგანმანათლებლო რესურსცენტრის ხელმძღვანელს, შორენა სიხარულიძეს ვესაუბრეთ.
მისი ინფორმაციით, ჩოხატაურში 200-ზე მეტი პირველკლასელია უკვე დარეგისტრირებული და ბუკებიც უკვე სკოლებისთვისაა გადაცემული.
“სასწავლო პროცესი დაიწყება ჩვეული რეჟიმით 15 სექტემბერს. იმედი გვაქვს, რომ ეპიდვითარება არ შეგვიშლის ხელს და სწავლა ყველა საჯარო სკოლაში განახლდება. სიახლეები რათქმაუნდა გვაქვს. მაგალითად, საგნები რომლებიც დაემატა ეროვნული სასწავლო გეგმის მიხედვით. კერძოდ, ჭადრაკი შეისწავლება პირველ კლასში და საქართველოს ისტორია დაგვემატა უკვე საბაზო საფეხურზე.
გარდა ამისა, სიახლე გვაქვს ისიც, რომ გაიხსნება ჩხაკაურაში გაიხსნება ახალი სკოლა. დარიგებული გვაქვს საჭირო სახელმძღვანელოები, მოგვარევული გვაქვს ტრანსპორტირების საკითხიც”,_ ამბობს სიხარულიძე.
