რადიო თავისუფლების რუსული ბიურო ქვეყანაში მუშაობას წყვეტს.რაც ადგილობრივმა საგადასახადო ორგანოებმა 4 მარტს რუსული იურიდიული პირის რადიო თავისუფლების გაკოტრების შესახებ განცხადება შეიტანა და პოლიციამ ჟურნალისტებზე ზეწოლა – წერს რადიო თავისუფლება განცხადებაში
ბოლო კვირიაში რუსეთის ხელისუფლებამ დაბლოკა რადიო თავისუფლების საიტები, რადგან გამოცემამ უარი თქვა უკრაინაში რუსეთის შეჭრის შესახებ ინფორმაცია წაეშალა. რუსეთის ხელისუფლებამ ქვეყნის ფარგლებში დაბლოკა რადიო თავისუფლების პროექტების საიტებზე წვდომა, მათ შორის სატელევიზიო მაუწყებლობაზე ნასტოიაშეე ვრემია, რომელიც ამერიკის ხმასთან თანამშრომლობითაა შექმნილი.
რადიო თავისუფლების კორპორაციის პრეზიდენტის ჯეიმი ფლაის თქმით, ეს გადაწყვეტილება მიღებულია არა საკუთარი ნებით, არამედ “სიმართლეზე პუტინის თავდასხმის” გამო.
“რადიო თავისუფლების უნარზე, იმუშაოს რუსეთში, კრემლის ეს თავდასხმები რადიო თავისუფლებაზე მრავალწლიანი წნეხის კამპანიის კულმინაციაა, გამოცემა ფიზიკურად იმყოფებოდა რუსეთში 1991 წლიდან, როდესაც მაშინდელი პრეზიდენტის, ბორის ელცინის მოწვევით შეიქმნა მოსკოვის ბიურო” – ნათქვამია გამოცემის განცხადებაში.
გამოცემა წერს, რომ 4 მარტს რუსეთის პრეზიდენტმა ვლადიმერ პუტინმა ხელი მოაწერა კანონს, რომლის მიხედვითაც ნებისმიერი ჟურნალისტი, რომელიც გადაუხვევს კრემლის შეხედულებებს უკრაინის წინააღმდეგ ომის შესახებ, შეიძლება 15 წლამდე თავისუფლების აღკვეთა მიესაჯოს. ვინაიდან რადიო „სვობოდას“ ჟურნალისტები აგრძელებენ შეჭრის შესახებ სიმართლის თქმას, კომპანია გეგმავს ამ მოვლენების გაშუქებას რუსეთის ფარგლებს გარეთ.
რადიო თავისუფლების პრეზიდენტმა და აღმასრულებელმა დირექტორმა ჯეიმი ფლაიმ კორპორაციის გადაწყვეტილებაზე კომენტარი გააკეთა:
„ღრმა სინანულით ვაცხადებ მოსკოვში ჩვენი ფიზიკური ოპერაციების შეჩერების შესახებ. ეს გადაწყვეტილება რადიო სვობოდამ მიიღო თავისი ნების საწინააღმდეგოდ, გადაწყვეტილება მიღებულია პუტინის რეჟიმის მიერ სიმართლეზე თავდასხმის გამო… ჩვენ გავაგრძელებთ ჩვენი რეპორტაჟების გავრცელებას რუსი აუდიტორიისთვის და გამოვიყენებთ ყველა შესაძლო პლატფორმას, რათა მივაღწიოთ მათან, როცა მათ დასჭირდებათ. მიუხედავად ამ ბნელი მომენტისა, ჩვენი ორგანიზაციის 70-წლიანი ისტორიიდან ვიცით, რომ ერთ დღეს, ალბათ იმაზე ადრე, ვიდრე ბევრი ფიქრობს, ჩვენ შევძლებთ ხელახლა გავხსნათ ჩვენი ოფისი რუსეთში. დრო თავისუფლების მხარეზეა, თუნდაც პუტინის რუსეთში“.
შეგახსენებთ, რომ რუსეთში დამოუკიდებელმა ტელეკომპანია Дождь-მა 3 მარტს მაუწყებლობა დროებით შეწყვიტა. 1 მარტს რუსეთის გენერალური პროკურატურამ ლიბერალური რადიოსადგურ Эхо Москвы-სდა დამოუკიდებელი გამოცემის, Дождь-ის წვდომის შეზღუდვა მოითხოვა. 2 მარტს კი Дождь-ის თანამშრომელთა ნაწილმა, მათ შორის გამოცემის მთავარმა რედაქტორმა, ტიხონ ძიადკომ რუსეთი დატოვეს.
გასული კვირის განმავლობაში, რადიო სვობოდას ცხრა რუსულენოვანი საიტი დაიბლოკა მას შემდეგ, რაც რადიო სვობოდამ უარი თქვა რუსეთის მთავრობის მოთხოვნაზე რუსეთის მიერ უკრაინაში შეჭრის შესახებ ინფორმაციის წაშლის შესახებ. 3-4 მარტის ღამეს რუსეთის ხელისუფლებამ დაბლოკა წვდომა რადიო თავისუფლების ვებსაიტებზე და რუსეთში არსებულ პროექტებზე, მათ შორის 24-საათიან რუსულენოვან სატელევიზიო ქსელზე Nastoyaschee Vremya, რომელიც შეიქმნა ამერიკის ხმასთან თანამშრომლობით.
რადიო თავისუფლება მაუწყებლობს რუსი აუდიტორიისთვის 1953 წლის 1 მარტიდან, როდესაც რადიო Liberation-ის პირველი გადაცემები შესთავაზეს საბჭოთა კავშირში მაყურებელს.
[sexy_author_bio]
