აჭარის 20 საჯარო სკოლასა და პირველადი ჯანდაცვის ათ ცენტრში სველი წერტილებისა და წყლის გამფილტრავი სისტემის მოწყობა ნახევარი მილიონი დოლარით USAID-მა დააფინანსა. ასევე რეაბილიტაცია გაუკეთდა ჯანდაცვის პირველად ცენტრებს.
დღეს კი, შესრულებული სამუშაოები, მუხაესტატესა და ოჩხამურის საჯარო სკოლებში აშშ-ს საერთაშორისო განვითარების სააგენტოს USAID -ის წარმომადგენლებმა დაათვალიერეს.
სკოლებში, სადაც სანიტარული ნორმები არ აკმაყოფილებდა მინიმალურ სტანდარტს, უახლესი თანამედროვე მოწყობილობებით აღიჭურვა, ასევე ადაპტირებულია შეზღუდული შესაძლებლობების მქონდე პირებისთვის.
როგორც, USAID -ის მისიის დირექტორის მოადგილემ, დეივიდ ჰოფმანმა განაცხადა, პროექტი მიზნად ისახავს უზრუნველყოს გამართული სანიტარული ინფრასტრუქტურა, განათლება და თემის მობილიზაცია ჰიგიენის საკითხებთან დაკავშირებით აჭარაში.
დაავადებათა კონტროლის ეროვნული ცენტრის ინფორმაციით, საქართველოში წყლით მომარაგებასთან დაკავშირებული სანიტარული და ჰიგიენის პრობლემები კვლავ იწვევს სხვადასხვა დაავადებათა რიცხვის ზრდას და ეს პრობლემა რაიონებში, სოფლებში და მთიან რეგიონებში დგას.
აღნიშნული პრობლემის აღმოფხვრისათვის, აშშ საერთაშორისო განვითარების სააგენტოს (USAID) დაფინანსებით, საქართველოს სამედიცინო ჯგუფი (GMG) და არასამთავრობო ორგანიზაცია „ჰერა“ ახორციელებს „წყლის, სანიტარიისა და ჰიგიენის პროექტს“ მთიანი აჭარისათვის.
პროექტი მიზნად ისახავს 5 წლის განმავლობაში უზრუნველყოს გამართული სანიტარული ინფრასტრუქტურა, განათლება და თემის მობილიზაცია ჰიგიენის საკითხებთან დაკავშირებით.
