წელს ჩოხატაურის სკოლებს 25 ოქროს და 10 ვერცხლის მედალოსანი კურსდამთავრებული ჰყავს.
“1 საჯარო სკოლაში 10 ოქროს და 1 ვერცხლის მედალი, ბუკისციხის საჯარო სკოლაში 1 ოქროს მედალი, გუთურის საჯარო სკოლაში 2 ოქროს მედალი, კოხნარის საჯარო სკოლაში 1 ოქროს მედალი, ქვენობნის საჯარო სკოლაში 1 ოქროს და 1 ვერცხლის მედალი, შუა ამაღლების საჯარო სკოლაში 1 ოქროს და 1 ვერცხლის მედალი, ჩაისუბნის საჯარო სკოლაში 1 ოქროს და 1 ვერცხლის მედალი, ხიდისთავის საჯარო სკოლაში 1 ოქრო და 3 ვერცხლის მედალი. რაც შეეხება კერძო, სამრევლოს სკოლას 7 ოქროს და 3 ვერცხლის მედალი გაიცა”_ გვითხრა ჩოხატაურის საგანმანათლებლო რესურსცენტრის ხელმძღვანელმა, შორენა სიხარულიძემ.
ინფორმაციისთვის, ოქროს მედალი გადაეცემა მოსწავლეს, რომლის საშუალო საფეხურის საერთო ქულაა 10 დამრგვალების გარეშე და მიიღებს დადებით შეფასებას სკოლის გამოსაშვებ გამოცდებზე, იღებს სრული ზოგადი განათლების ოქროს მედალოსნის ატესტატს.
რაც შეეხება ვერცხლის მედალს, მას იღებს მოსწავლე, რომლის საშუალო საფეხურის საერთო ქულა არის 9.8 ან მეტი და მიიღებს დადებით შეფასებას სკოლის გამოსაშვებ გამოცდებზე, იღებს სრული ზოგადი განათლების ვერცხლის მედალოსნის ატესტატს.
პირზე, რომელმაც ზოგადი განათლების საშუალო საფეხურის კლასის/კლასების, ან საშუალო საფეხურის ცალკეულ კლასში შემავალი საგნის/საგნების ზოგადსაგანმანათლებლო სასწავლო პროგრამა/პროგრამები წარჩინებით დაძლია ექსტერნატის ფორმით, ოქროსა და ვერცხლის მედალოსნის ატესტატი არ გაიცემა.
ავტორი
