წელს ჩოხატაურის მუნიციპალიტეტის საჯარო სკოლებში მეთორმეტე კლასი დაასრულა 172 მოსწავლემ. აქედან 20 ოქროს მედალოსანი, 5 კი ვერცხლისმედალოსანია.
როგორც ჩოხატაურის საგანმანათლებლო რესურსცენტრის ხელმძღვანელმა შორენა სიხარულიძემ “გურა ნიუსს” განუცხადა, 20 ოქროსმედალოსნიდან 9 სამრევლო სკოლის, ხოლო 6 ოქროსმედალოსანი 1 საჯარო სკოლის კურსდამთავრებულია. 2 ოქროს მედალი შუა ამაღლების სკოლაში, ერთი ოქროს მედალი ხიდისთავის, ერთი დაბლაციხის და ერთიც საჭამიასერის საჯარო სკოლებში მოიპოვეს.
რაც შეეხება ვერცხლის მედალოსან მოსწავლეებს, ამაღლების საჯარო სკოლაში 2-მა, პირველ საჯარო სკოლაში 1-მა, ვანზომლეთის საჯარო სკოლაში 1-მა, კოხნარის საჯარო სკოლაში 1-მა და 1-ის სამრევლოს სკოლის კურდამთავრებულმა მოიპოვა.
ინფორმაციისთვის, წარჩინებული მოსწავლეები უკვე მრავალი წელია, სკოლის დასრულების შემდეგ, ოქროსა და ვერცხლის მედალს იღებენ. მედლების გაცემის მიზანი მოსწავლეების წახალისება და მათთვის მოტივაციის ამაღლებაა. აღსანიშნავია, რომ ოქროსა და ვერცხლის მედლების გაცემა ხდება მესამე საფეხურის ( მე-10, მე-11, მე-12 კლასი) თითოეული საგნის წლიური ნიშნის გათვალისწინებით.
ეროვნულ სასწავლო გეგმაში ზუსტადაა გაწერილი, რა შემთხვევაში იღებს მოსწავლე კონკრეტულ წახალისებას:
მოსწავლე, რომლის საშუალო საფეხურის საერთო ქულა არის 10 დამრგვალების გარეშე, იღებს ოქროს მედალსა და შესაბამის სერტიფიკატს.
ოქროსა და ვერცხლის მედალს ვერ მიიღებენ ის მოსწავლეები:
რომლებმაც აღნიშნულ კლასებში პროგრამა წარმატებით დაძლიეს, თუმცა გამოცდები ექსტერნად ჩააბარეს.
