რუსეთის პრეზიდენტი პუტინი ვარაუდობს, რომ თურქეთი შეიძლება გამოიყენებოდეს რუსული გაზის ევროპაში მიწოდების ცენტრად,_ ამის შესახებ ინფორმაციას BBC ავრცელებს.
თურქეთის პრეზიდენტ რეჯეფ თაიფ ერდოღანთან შეხვედრისას პუტინმა თქვა, რომ თურქეთის გავლით მარშრუტი ევროკავშირში გაზის მიწოდების ყველაზე საიმედო გზაა.
ცნობისთვის, ჩრდილოეთ ნაკადის მილსადენის გავლით რუსეთიდან გერმანიაში გაზის მიწოდება შეფერხდა მას შემდეგ, რაც რუსეთი შეიჭრა უკრაინაში და მთლიანად შეჩერდა ბალტიის ზღვის ქვეშ მილსადენზე აფეთქების შემდეგ, რომელიც, სავარაუდოდ, იყო მიზანმიმართული დივერსიული აქტი.
ოთხშაბათს პუტინმა თქვა, რომ Nord Stream მილსადენიდან დაკარგული მოცულობები შეიძლება გადავიდეს შავი ზღვის რეგიონში, რაც თურქეთს ევროპისთვის გაზის მიწოდების უდიდეს კერად აქცევს.
