ქალაქ ოზურგეთში, რაიონული სასამართლოს შენობის გვერდზე სამი შვილის დედამ, თამთა ჟვანიამ კარავი გაშალა. ის ითხოვს სამართლიანობის აღდგენას და მისი ყოფილი მეუღლის მიერ წართმეული შვილის დაბრუნება.
ამ ეტაპზე ოზურგეთის რაიონულ სასამართლოში თამთა ჟვანია ორ საქმეზე დაობს. წლების წინ მის მიერ შეტანილი სარჩელის განხილვა წელს, 4 ივნისს დაიწყო. მეორე სხდომა 2 ივლისს უნდა გამართულიყო, მაგრამ გაუქმდა. გაუქმების მიზეზი უცნობია თამთა ჟვანიასთვის.
კორონავირუსის პერიოდში თამთა ჟვანია ემიგრაციაში წავიდა. 11 და (პირველი ქორწინებიდან მას ორი შვილი ჰყავს და მეორედან _ ერთი) და 2 წლის შვილები მან მეუღლეს დაუტოვა. მოგვიანებით მისთვის გახდა ცნობილი, რომ მისი მეუღლე ძალადობდა მის 11 წლის შვილზე. მისივე თქმით, თამთას მიერ ემიგრაციიდან გამოგზავნილი თანხებს არამიზნობრივად ხარჯავდა მისი მეუღლე.
საქართველოში დაბრუნებულმა ვერ მოახერხა მესამე შვილის დაბრუნება მასთან. როგორც ჩვენი რესპონდენტი გვიყვება, თითქმის ორი წელია გრძელდება ეს ტანჯვა-წამება და სამართალს ვერ მიაღწია.
„ვითხოვ შემდეგ რამეს: 1. მთავარი მტკიცებულება 12 წლის ბავშვის დაზიანებული სახის ფოტო საქმეში გამქრალია და სისხლის სამართლის საქმე 2 წელზე მეტია იწელება 2. რეაგირება არ ხდება პოლიციის მხრიდან 6 წლის ბავშვზე ფსიქოლოგიური ძალადობის თაობაზე. არ ტარდება სამხარაულის ექსპერტიზა. ბავშვი დედის დანახვაზე ისტერიკაში ვარდება, არ არსებობს სამედიცინო ბარათი ან ოფიციალური დასკვნა ბავშვის მდგომარეობის შესახებ. თაროზეა შემოდებული ჩემ მიერ შემოტანილი განცხადებები და უპასუხოდ არის დატოვებული 3. მიუხედავად იმისა, რომ ამდენი წელი სამართლს ვერ მივაღწიე, მე როგორც დედა, მშობელი, შინაგანი დედობრივი ინსტიქტით შვილები უნდა დავიცვა ვდგავარ აქ და ასევე, მინდა სხვისთვისაც იყოს მაგალითი რომ დედებმა არ დატოვონ შვილები და არ წავიდნენ ემიგრაციაში რაიმე ფინანსური სარგებლის სანაცვლოდ!“ – გვითხრა თამთა ჟვანია.
შემდეგი სასამართლო პროცესი 12 ივლისს არის ჩანიშნული. ეს ინფორმაცია სასამართლოდან თამთა ჟვანიას კარვის გაშლის შემდეგ აცნობეს.
ავტორი
