| დღეს, როდესაც ჩვენი ცხოვრების დიდი ნაწილი ციფრულ სამყაროშია გადათარგმნილი, ონლაინ შოპინგი ყველასთვის ხელმისაწვდომი და კომფორტული პროცესია. ონლაინ მარკეტების უსაზღვრო საცავში ყველა იმ ნივთის პოვნა შეგიძლია, რომლის სახელიც გონებაში გაგიელვებს. შედეგად, ადამიანებმა მალევე დააფასეს კომფორტის შეგრძნება, რაც თან ახლავს დაუსრულებელი რიგების, გაღიზიანებული კონსულტანტების, ტრანსპორტში დახარჯული დროის გარეშე სასურველი ნივთის შეძენას და ონლაინ მაღაზიების ერთგული კლიენტები გახდნენ.
ციფრულ საცავში თანამედროვე ადამიანის განუყრელ მეგობარსა და ასისტენტს – მობილურ ტელეფონსაც იპოვი. ტელეფონის ყიდვა ონლაინ რომ მოსახერხებელი და მარტივი პროცესია, ამაზე ყველა თანხმდება. ისიც ფაქტია, რომ ახალი მოწყობილობის სახლიდან გაუსვლელად ყიდვა ნაკლებ ხარჯებთან და ენერგიასთანაა დაკავშირებული. ერთი სიტყვით, ყველა გარემოება კომფორტულ შოპინგს გვპირდება. მაგრამ ადამიანს თავისი ბუნებიდან გამომდინარე უჭირს ისეთი რამის სრულყოფილად აღქმა, რასაც ფიზიკურად ვერ ხედავს და ეხება. სწორედ ესაა ონლაინ შოპინგის მთავარი, მაგრამ დაძლევადი დაბრკოლება. იმისთვის, რომ უფრო თავდაჯერებულმა მიიღო გადაწყვეტილება, საჭიროა ამომწურავ ინფორმაციას ფლობდე იმ პროდუქტის შესახებ, რომლის ყიდვაც მოინდომე. ჩვენი ბლოგი გეტყვის, რას უნდა მიაქციო ყურადღება მობილური ტელეფონის ონლაინ შერჩევისას, რათა შენს გადაწყვეტილებაში სრულად დარწმუნებულმა დააკლიკო ყიდვის ღილაკს. ბატარეა დიდი ეჭვი გვაქვს, რომ შენც იმ ადამიანთა კატეგორიას განეკუთვნები, ერთდროულად რამდენიმე აპლიკაციას რომ იყენებენ. შეიძლება ვიდეო თამაშები მოგწონს, ან პოდკასტებს უსმენ და პარალელურად სოციალურ ქსელებს ათვალიერებ. მართალია, ტელეფონს ჩვენზე უკეთ შეუძლია მულტი-ტასკინგი, მაგრამ არა უსასრულოდ. მობილური არც ერთ შენს მოქმედებას არ ტოვებს უყურადღებოდ და მათ ბატარეაზე ასახავს. თუ შენი ახალი მობილურის გამოყენებას აქტიურ რეჟიმში აპირებ, მაშინ შეარჩიე მობილური ტელეფონი, რომელსაც გამძლე ბატარეა აქვს. მეხსიერება მობილური ტელეფონი ინფორმაციის, მნიშვნელოვანი დოკუმენტების, საჭირო აპლიკაციებისა და, როგორც წესი, ჩვენი მოგონებების სათავსოა. ამიტომ, მოწყობილობის მეხსიერება ტელეფონის შერჩევისას უმთავრესი კრიტერიუმია. მობილურ ტელეფონს, სხვა ჭკვიანი მოწყობილობების მსგავსად, ორი ტიპის მეხსიერება აქვს: Random Access Memory (RAM) და Read Only Memory (ROM). RAM მეხსიერება პასუხისმგებელია მობილურის სისწრაფესა და ოპერაციების დაუბრკოლებლად შესრულებაზე. ROM კი ჩვენთვის უფრო ნაცნობი და მარტივად აღქმადი მეხსიერებაა. სწორედ ის განსაზღვრავს, რა მოცულობის აპლიკაციების, ფოტოების, სიმღერებისა და სხვა ტიპის ინფორმაციის შენახვა გინდა ტელეფონში. მაღალი RAM-ის მქონე მობილური ტელეფონი უფრო სწრაფია, ხოლო ROM მეხსიერების სიდიდე მობილურ ტელეფონში დიდი მოცულობის ადგილს განაპირობებს. როგორც წესი, 2 გბ-იანი RAM და 16 გბ-იანი ROM სრულიად საკმარისია ტელეფონის სრულყოფილი მუშაობისთვის, თუმცა, თუ გინდა, რომ შენმა მობილურმა განსაკუთრებულ დატვირთვას გაუძლოს, მაშინ უფრო დიდი მეხსიერება დაგჭირდება. კამერა გასაკვირი არ არის, რომ ტელეფონის შერჩევისას ადამიანთა უმეტესობა კამერას აკვირდება. თუ შენც მოგწონს ფოტოების გადაღება და თანაც გინდა, რომ ყველა მომენტი ხარისხიანად აღბეჭდო, მაშინ ტელეფონის შერჩევისას ყურადღება კამერის შესაძლებლობებზე უნდა გაამახვილო. მოდელების მიხედვით, კამერას სხვადასხვა მახასიათებელი და დამატებითი ფუნქცია აქვს: მაგალითად, პორტრეტისა და ღამის რეჟიმები. ახალ ტელეფონებს ორ და სამ ლინზიანი კამერებიც აქვს, რაც ფოტოს გადაღებისას ახალ შესაძლებლობებს აჩენს. კამერის შესაძლებლობების გაზომვა ყველაზე ზუსტად მეგაპიქსელების მიხედვით შეგიძლია. რაც უფრო მაღალია მეგაპიქსელების მაჩვენებელი, მით უფრო მეტ დეტალს აფიქსირებს კამერა. ამიტომ, ყოველთვის შეამოწმე ტელეფონის აღწერაში მეგაპიქსელების რაოდენობა. პროცესორი პროცესორი ტელეფონისთვის ისეთ ფუნქციას ასრულებს, როგორსაც ტვინი – ადამიანისთვის. პროცესორი განსაზღვრავს, თუ რამდენად სწრაფად, ეფექტურად და ზუსტად სრულდება შენ მიერ ტელეფონისთვის მიცემული დავალება. ამიტომ, ტელეფონის შერჩევისას ვებსაიტზე განთავსებულ მონაცემებს შორის ყურადღება პროცესორის მახასიათებლებზე უნდა გაამახვილო. პირველ რიგში, ბრენდს და მოდელს დააკვირდი. ამ გზით ზოგად წარმოდგენას შეიქმნი პროცესორის ხარისხსა და შესაძლებლობებზე. პროცესორის სისწრაფეს გიგაჰერცებში ზომავენ. რაც უფრო მაღალია მაჩვენებელი, მით უფრო სწრაფია მობილური ტელეფონიც. ერთი სიტყვით, თუ ტელეფონში ვიდეო-თამაშების ჩაწერას, ფოტო-ვიდეო მონტაჟს და სხვა მაღალი დატვირთვის აქტივობების შესრულებას აპირებ, სწრაფი პროცესორი დაგჭირდება. ოპერაციული სისტემა როცა საქმე ოპერაციულ სისტემებს ეხება, არჩევანი ორად-ორ ალტერნატივას შორის უნდა გააკეთო: Android და iOS. თუ iOS სისტემას ანიჭებ უპირატესობას, არჩევანი მნიშვნელოვნად გაგიადვილდება და აიფონის მოდელებიდან აარჩევ შენთვის სასურველს. დანარჩენი სმარტფონები ანდროიდის სისტემაზე ოპერირებენ. ასეთ შემთხვევებში არჩევანის გაკეთება სხვადასხვა ბრენდის ტელეფონებს შორის მოგიწევს ყველა იმ კრიტერიუმის გათვალისწინებით, რაზეც ბლოგში ვისაუბრეთ. ფასი ყველაზე მარტივი წინაპირობა ახალი ტელეფონის შერჩევისას მისი ღირებულებაა. თუ თავიდანვე განსაზღვრავ შენს ბიუჯეტს და სიტყვას არ გადახვალ, პროცესი მნიშვნელოვნად გაგიმარტივდება და შენაძენით კმაყოფილიც დარჩები. მობილური ტელეფონების ფასები ერთმანეთისგან მკაფიოდ განსხვავდება, მთავარია, იცოდე, შენი ბიუჯეტი ფასითი კატეგორიებიდან რომელს ერგება და ასე მიხვიდე შენთვის სასურველ სმარტფონამდე. შეჯამება მობილური ტელეფონის არჩევა ხანგრძლივი და ზოგიერთისთვის დამქანცველი პროცესია, მაგრამ წინასწარ განსაზღვრული საჭიროებებითა და ბიუჯეტით თუ იხელმძღვანელებ, არჩევანის გაკეთება გაგიმარტივდება და საბოლოო გადაწყვეტილებითაც კმაყოფილი დარჩები. |
Developed By Web Features 2026 © All rights reserved