ვერძი
ქარიზმა – თქვენ განსაკუთრებული ქარიზმა გაქვთ. ეს ის არის, რასაც ვერ გამოიმუშავებთ. ბუნებრივად ხართ ასეთი. გამოირჩევით ისეთი შარმით, როგორიც სხვას არავის აქვს. თუ რაიმის გაკეთება გადაწყვიტეთ, ვერავინ შეგაჩერებთ. აუცილებლად მიაღწევთ დასახულ მიზანს. სწორედ თქვენი გამორჩეული ქარიზმატულობის გამო ახერხებთ ყველას მოხიბვლას. ადამიანები ფიქრობენ, რომ შეუჩერებელი ხართ.
კურო
პრაქტიკულობა – თქვენ გამორჩეულად პრაქტიკული ადამიანი ხართ. არ დაფრინავთ ოცნებებში, მიწაზე მყარად დგახართ. იცით, რა გსურთ. შეგიძლიათ, რეალობას თვალი გაუსწოროთ და პრაქტიკული გადაწყვეტილებები მიიღოთ. გარდა იმისა, რომ ამით გარშემომყოფებს ხიბლავთ, ასევე წარმატებასაც მარტივად აღწევთ. თქვენ სხვებისგან განსხვავებით, მარტივად ხედავთ რთული სიტუაციიდან გამოსავალს.
ტყუპები
კომუნიკაციის შესანიშნავი უნარი – შეგიძლიათ ნებისმიერ ადამიანთან გამონახოთ საერთო ენა და საუბრით, კომუნიკაციით ყველა მოხიბლოთ. მისი წყალობით ამყარებთ მყარ მეგობრულ კავშირებს, ადამიანებს მარტივად აყვარებთ თავს და წარმატებასაც მარტივად აღწევთ.
კირჩხიბი
მზრუნველი – არც ერთი სხვა ზოდიაქოს ნიშანი არ არის ისეთი მზრუნველი, როგორც თქვენ. შეგიძლიათ თანაგრძნობის გამოჩენა. ადამიანს გასაჭირში მარტო არ დატოვებთ და გვერდით დაუდგებით რთულ სიტუაციებში. ამიტომ, ბევრს უყვარხართ, გენდობიან და თქვენი იმედი აქვთ.
ლომი
ოპტიმიზმი – თქვენ გადამდები ოპტიმზმი გაქვთ, ყოველთვის იმედიანად ხართ და გჯერათ, რომ არ არსებობს გამოუვალი სიტუაცია. თქვენი ოპტიმიზმი სხვებსაც იმედით და მოტივაციით ავსებს. თქვენ გვერდით ყოფნა სასიამოვნოა, რადგანაც არასოდეს წუწუნებთ და გარემოს პოზიტიური აურით ავსებთ.
ქალწული
ყველაფრის მცოდნე – არ არსებობს საკითხი, რომლის შესახებაც სიღრმისეული ცოდნა არ გაქვთ. თუ გარშემომყოფებს რაიმე აინტერესებთ, პირველ რიგში, თქვენთან მოდიან, რადგანაც იციან, რომ მხოლოდ თქვენგან მიიღებენ კომპეტენტურ პასუხებს. ხართ განათლებული, ჭკვიანი და საუკეთესო მრჩეველი.
სასწორი
გაწონასწორებული – ემოციების მართვა სხვა ზოდიაქოს ნიშნებთან შედარებით ყველაზე უკეთ თქვენ გამოგდით. არ გჩვევიათ აღელვება, ტონის აწევა, პრობლემებს მშვიდად და წყნარად, დიპლომატიურად აგვარებთ. გარშემომყოფებს პრობლემების გადაჭრის ამგვარი უნარი აოცებთ და მათი მიბაძვის ობიექტი ხდებით. ხშირად მოდიან თქვენთან იმისთვის, რომ რაიმე პრობლემიდან ოპტიმალური და რაც მთავარია, დიპლომატიური გამოსავალი აპოვნინოთ.
მორიელი
საიდუმლოებით მოცული – იდუმალებით მოცული ადამიანი ხართ და ეს ადამიანებს ძალიან ხიბლავთ. თქვენ გარშემო მუდამ კითხვის ნიშნებია. არავინ იცის, როგორი ხართ სინამდვილეში და ეს გარშემომყოფთათვის უფრო საინტერესო ნატურად გაქცევთ. თქვენთან დაახლოება და თქვენი საიდუმლოების გაგება სხვებისთვის ერთგვარი გამოწვევაა.
მშვილდოსანი
მხიარული და ბედნიერი – თქვენ გარშემო ბედნიერებას აფრქვევთ. შეუძლებელია თქვენ გვერდით ვინმემ მოიწყინოს. საინტერესო ნატურა ხართ და მაგნიტივით იზიდავთ ადამიანებს. თქვენც მეგობრულ დამოკიდებულებას იჩენთ ყველას მიმართ. ბედნიერი და მხიარული გარემოს შექმნის უნიკალური უნარი გაქვთ.
თხის რქა
მიზანზე ორიენტირებული – თქვენ გამორჩეულად შრომისმოყვარე ნატურა ხართ. ყველაფერს აკეთებთ მიზნის მისაღწევად და იღებთ კიდეც სასურველ შედეგს. ამ თვისების წყალობით ძალიან ხიბლავთ ადამიანს. გამოირჩევით ნებისყოფით. როცა სხვები ერთობიან, თქვენ ამ დროს მუშაობთ და სწორედ ამიტომ, სხვებზე გაცილებით დიდ წარმატებას აღწევთ.
მერწყული
შემოქმედებითი – თქვენ გამორჩეულად კრეატიული ხართ. უამრავი შთამბეჭდავი იდეა გაქვთ. აოცებთ დანარჩებებს თქვენი ინტელექტით და საქმისადმი შემოქმედებითი მიდგომით. მოულოდნელობებით სავსე ხართ.
თევზები
რომანტიკული – გამორჩეულად რომანტიკული ნატურა ხართ, ხართ ბავშვური და მეოცნებე და სწორედ ამ მახასიათებლების გამო გარშემომყოფებს ძალიან უყვარხართ. შეგიძლიათ, საყვარელი ადამიანების ცხოვრება ნამდვილ დღესასწაულად გადააქციოთ.
