როგორ და რომელ კაფელს მივანიჭოთ უპირატესობა?

ზომა

სანამ დიზაინსა და მასალაზე დავიწყებთ ფიქრს, პირველ რიგში, კაფელის ზომა უნდა განისაზღვროს და მხოლოდ ამის შემდეგ უნდა შევარჩიოთ ფერი, ფორმა, დაფარვა და სხვა მახასიათებლები.

• კაფელის ზომის შერჩევისას, ყურადღება მიაქციეთ, რომ რაც შეიძლება ცოტა დანაკარგი (ამ შემთხვევაში, გადაჭრილი ან გამოუყენებელი მასალა) დაგრჩეთ მას შემდეგ, რაც კაფელის გაკვრას მორჩებით.
• შედარებით დიდი ზომის კაფელი, როგორც წესი, სამყოფ ოთახსა და სასადილო ოთახს უხდება.
• შედარებით პატარა ზომის კაფელი კი, უმეტესად, სააბაზანო ოთახსა და სამზარეულოში გამოიყენება.
• გაითვალისწინეთ, დიდი ზომის ფილები ნაკლებად დატვირთულ ხაზებსა და გადაკვეთის წერტილებს ქმნიან, რაც სივრცულობის შეგრძნებას აძლიერებს.
• გახსოვდეთ, კედლის ფილა (კაფელი) დიზაინის შემავსებელია და სასურველია, არასოდეს იყოს იატაკის ფილაზე, ანუ მეტლახზე, უფრო დიდი ზომის. წინააღმდეგ შემთხვევაში, ოთახში დაირღვევა ბალანსი და სივრცის ერთიანი პროპორციულობა.

დაფარვა

მას შემდეგ, რაც კაფელის ზომას შეარჩევთ, სასურველია განისაზღვროს მისი დაფარვაც, რაც მნიშვნელოვნად გაგიმარტივებთ საქმეს და შეამცირებს ძიების დიაპაზონს. ვინაიდან, ამ გზით, ზუსტად გეცოდინებათ მქრქალი ზედაპირის მქონე ფილები გსურთ, თუ მაგალითად, პრიალა.

• პრიალა ზედაპირს მომხიბვლელი, სარკისებრი ეფექტი აქვს, რომელიც დიდი ოდენობით სინათლეს ირეკლავს და შესაბამისად, ოთახს უფრო ნათელს ხდის. ეს, თავის მხრივ, სივრცეს უფრო დიდსა და ფართოს აჩენს.
• მქრქალი დაფარვის მქონე ფილები არ ირეკლავენ სინათლეს, ნაკლებად ეტყობათ ლაქები და ჭუჭყი, რაც მათ კიდევ უფრო მარტივად მოსავლელს ხდის.
• გარდა ამ ორი ვარიანტისა, ხშირად ირჩევენ ნახევრად მქრქალსა და ლაპატო დაფარვის მქონე ფილებსაც, რომლებიც არც ძალიან პრიალებენ, თუმცა არც სრულად მქრქალი ზედაპირივით ეფექტს ატარებენ. შეიძლება ითქვას, რომ ნახევრად მქრქალ ზედაპირიანი ფილები ოქროს კვეთაა მათთვის, ვისაც არც უკიდურესად პრიალა ეფექტი მოსწონს და არც პიქირით.

დიზაინი

დიზაინის შერჩევისას საქმე ძალიან მარტივადაა, მთავარია, იცოდეთ, თუ როგორი ფილა გსურთ შეიძინოთ. ამ ეტაპზე, ყურადღება სამ მნიშვნელოვან ფაქტორს უნდა დაუთმოთ. ესენია:

• ფორმა;
• ფერი;
• ვიზუალი.

მათ, ვისაც ინტერიერში უფრო მეტი სიხალისის შეტანა სურთ, ხშირად, ირჩევენ კაფელს, რომელსაც ტროპიკული ელფერი აქვს, რაც უმეტესად, ფილაზე ყვავილების ან ფოთლების გამოსახულებითა და სხვადასხვა ცოცხალი ფერის შეტანით მიიღწევა.

ხოლო მათ, ვისაც უფრო ნეიტრალური და მშვიდი ტონები სურს, არჩევანს ღია, ნეიტრალურ ტონებზე აჩერებს. ხოლო უფრო მკაფიო და თამამი გადაწყვეტისთვის, მუქი და მკვეთრი ფერები გამოიყენება.

მასალა

როცა საქმე მასალის შერჩევას ეხება, პირველ რიგში, მნიშვნელოვანია ხარისხი და სივრცე, სადაც ამ მასალის გამოყენებას აპირებთ. უფრო ზუსტად:

• კერამიკული ფილები, ძალიან პოპულარული არჩევანა, როდესაც ადამიანები კაფელის ვერსიებს განიხილავენ. ამას, ალბათ, განაპირობებს კერამიკული ფილების მრავალფეროვნება და ხშირ შემთხვევაში, ხელმისაწვდომობა. დღეს, კერამიკული ფილის მოძიება ყველა ტიპის ოთახისთვისაა შესაძლებელი, თანაც ისე, რომ ნებისმიერი გემოვნების მქონე ადანიანის მოთხოვნებს დააკმაყოფილებს. კერამიკული ფილები კარგად უძლებს ნესტსა და ტენიანობას და რაც მთავარია, ძალიან მარტივად იწმინდება. ამ თვისების წყალობით, კერამიკული ფილები ხშირად გამოიყენება სააბაზანოებსა და სამზარეულოებში.
• კერამოგრანიტი იდეალურია მათთვის, ვისაც ერთიანი ვიზუალის მიღება სურს, რადგან, როგორც წესი, კერამოგრანიტის ფილები გამოიყენება როგორც იატაკზე, ასევე კედელზეც. კერამიკული ფილების მსგავსად, კერამოგრანიტიც ძალიან მარტივი მოსავლელია და კარგად უძლებს დატვირთვასა და მძიმე გადაადგილებას.
• მოზაიკა, უმეტესად, გამოიყენება სააბაზანოებში, საუნებსა და აუზებში. მოზაიკას ძალიან სპეციფიკური, თუმცა ელეგანტური და დახვეწილი დიზაინი ახასიათებს, რაც თქვენს კედლებს მდიდრულ იერსახესა და უნიკალურ ელფერს მატებს.

სად შევიძინო მაღალი ხარისხის კაფელი?

მას შემდეგ, რაც ზემოთ ჩამოთვლილი კრიტერიუმების მიხედვით კაფელის სასურველი პარამეტრები წარმოდგენილი გვაქვს, მნიშვნელოვანია ყურადღებით შევარჩიოთ ადგილი, სადაც კაფელს შევიძენთ. ვინაიდან, არასანდო მომწოდებლისგან შეძენილმა პროდუქციამ დიდი შანსია იმედები ვერ გაგვიმართლოს და დახარჯული ენერგია და ფინანსური სახსრები წყალში გადაყრილი გამოდგეს. ამიტომაც, როცა ვსაუბრობთ ხარისხიან მასალებზე, შეუძლებელია არ გაგვახსენდეს საქართველოში კარგად ცნობილი და დიდი გამოცდილების მქონე ბრენდი “გალერეა დემასი”, სადაც პრემიუმ ხარისხის ფილების მრავალფეროვანი არჩევანია. კომპანია გვთავაზობს კაფელსა და მეტლახს ისეთი ქვეყნებიდან, როგორიცაა მაგალითად, ესპანეთი, გერმანია და იტალია. დემასის პროდუქციის ხილვა შესაძლებელია როგორც ფილიალში ვიზიტისას, ასევე ონლაინ, ვებგვერდის მეშვეობითაც.