იაპონელები მსოფლიოში ერთ-ერთი ყველაზე დღეგრძელი ერია. მეცნიერები დაინტერესდნენ, თუ რითი შეიძლებოდა ამ ფაქტის ახსნა. ბევრი ინფორმაცია მოიძიეს, შესაბამისი მონაცემები გაანალიზეს და იაპონელების შესაშური ჯანმრთელობისა და მათი დღეგრძელობის რამდენიმე ძირითადი ფაქტორი გამოყვეს.
არანაირი დესერტი
იაპონელები ტკბილეულის ნაცვლად ძირითადად ან ხილს მიირთმევენ ან მწვანე ჩაით კმაყოფილდებიან. ნამცხვარს ისინი მხოლოდ დღისით, ყავასთან ერთად მიირთმევენ და მათი ულუფა გაგიკვირდებათ და, დასავლურთან შედარებით გაცილებით პატარაა. საშუალოდ, იაპონელი დღის განმავლობაში 48,8 გრ შაქარს მოიხმარს. შედარებისთვის ბრიტანეთში შაქრის დღიური ნორმა 100,4 გრ შეადგენს.
ზღვის წყალმცენარეები
წყალმცენარეებს აღმოსავლეთის მცხოვრებლები ოდითგანვე საკვებში, ფხვნილის ან აბების სახით აქტიურად იყენებდნენ. როგორც ცნობილია, წყალმცენარეები – ცილის, მიკროელემენტებისა და ვიტამინების მდიდარი წყაროა. იპონელები და ჩინელები დღემდე ამ უებარ საშუალებას დაბერების წინააღმდეგ წარმატებით იყენებენ და რაც არ უდა გაგიკვირდეთ, ძლიერ აფროდიზიაკად მიიჩნევენ. მაგალითად, შოტლანდიასა და ირლანდიაში პურს სწორედ ამ წყალმცენარეების გამოყენებით აცხობენ, ხოლო იაპონიაში, მათ ტკბილეულსა და მურაბებსაც კი უმატებენ.
არანაირი ზღვარგადასული კვება
იაპონელები „გონის დაკარგვამდე“ არასდროს იკვებებიან და ბრიტანელებთან შედარებით დღეში, 10 % – ით ნაკლებ კალორიას მოიხმარენ. საგულისხმოა, რომ ისინი ერთი სახეობის კერძით არასდროს იკვებებიან, პირიქით, მცირე ულუფებით, თუმცა მრავალფეროვანი გემოვნური თვისებების მქონე საკვებს ანიჭებენ უპირატესობას. მათი აზრით, ეს არამარტო ბალანსირებულ კვებას უზრუნველყოფს, არამედ მაგიდასთან უფრო მეტი დროის გატარებას უწობს ხელს, რაც თავის მხრივ, საკვების უკეთ მონელებისთვის არის სასარგებლო.
ბევრი სოიო, თევზი და ბოსტნეული
ოკინავის მცხოვრებლები ამ პროდუქტებს კვირაში 4-5 ჯერ მაინც მოიხმარენ. ხორცი და თევზი – ცილის ძირითადი წყაროა, მაგრამ თევზი იაპონიაში მაინც უპირატესად ითვლება, რადგან მასში ნაკლები კალორია და გულისთვის მეტი სასარგებლო – ცხიმი, სელენი და E ვიტამინია. რაც შეეხება უმ თევზს, ის მომზადებულთან შედარებით, გაცილებით უფრო სასარგებლოა ვინაიდან, როგორც ცნობილია ომეგა – 3-ის ცხიმოვანი მჟავები პროდუქტის თერმული დამუშავებისას იშლება. გარდა ამისა, იაპონელების ყოველდღიურ კვების რაციონში დიდი რაოდენობით სოიოა, ის იზოფლავონებს შეიცავს (წარმოადგენს ფიტოესტროგენს ანტიოქსიდანტური მოქმედებით), რომელიც განსაკუთრებით, ასაკოვანი ქალბატონებისთვის არის სასარგებლო.
სეირნობა
მიუხედავად დიდი რაოდენობით მანქანისა, რომელიც ერთგვარ ფუფუნების საგნად ითვლება, იაპონელები ყოველდღიურ ცხოვრებაში უპირატესობას მაინც საზოგადო ტრანსპორტს ანიჭებენ. გარდა ამისა, თითქმის ყველა იაპონელი დილაობით ტრადიციისამებრ, ყოველთვის ვარჯიშობს, რაც მათ კონცენტრაციის ამაღლებასა და მთელი დღის განმავლობაში საუკეთესო განწყობის შენარჩუნებაში ეხმარება.
