„როდესაც სტრესი გვაწუხებს, როგორც წესი, ჩვენ სწრაფად ვსუნთქავთ, და ვკარგავთ სიმშვიდეს“, – ამბობს ნეიროფსიქოლოგი, დევიდ ლუისი. ის გვირჩევს, რომ სტრესის დროს 15 წუთით განვმარტოვდეთ და ვისუნთქოთ ნელა და ღრმად. შედეგად, დავმშვიდდებით სტრესი გაქრება.
ჩინელმა ექსპერტებმა აღმოაჩინეს, რომ მწვანე ჩაი ადამიანს სტრესის დამარცხებაში ეხმარება. ის შეიცავს ისეთ ნივთიერებებს, რომლებიც ადამიანზე დამამშვიდებლად მოქმედებენ. ფსიქოლოგი ბრიუს გრინსბურგი ამბობს, რომ მწვანე ჩაის მირთმევა სტრესთან საბრძოლველად ერთ-ერთი ყველა ეფექტური მეთოდია.
ციურიხის კვლევითი ინსტიტუტის მკვლევართა დასკვნით, თუ საყვარელ ადამიანს დამღლელი დღის ბოლოს 10 წუთის განმავლობაში ჩაეხუტებით, სტრესი გაქრება და სიმშვიდეს იპოვნით. ასევე, სტრესის დამარცხებაში დაგეხმარებათ მასაჟი კისრის არეში, თუმცა განსაკუთრებით ეფექტური საყვარელ ადამიანთან ჩახუტება და კოცნაა.
პროფესორი ენდრიუ შული ამბობს, რომ საღეჭი რეზინის ღეჭვა შფოთვას ამცირებს და ადამიანს სტრესის დაძლევაში ეხმარება. რაც უფრო სწრაფად ღეჭავთ მას, მით უფრო სწრაფად მშვიდდებით.
ფეხით სიარული სტრესის ხარისხს ამცირებს, ამბობენ კალიფორნიის უნივერსიტეტის ფსიქოლოგები. და თუ ნელი ნაბიჯებით გადაადგილდებით და სიარულის დროს ფიქრობთ და თავს ერთგვარად მედიტაციის შესაძლებლობას აძლევთ, ეს კიდევ უფრო ეფექტურად დაგამარცხებინებთ სტრესს. ფსიქოლოგები ამას სეირნობის მედიტაციას უწოდებენ და ამბობენ, რომ ეს მეთოდი ადამიანს ეფექტურად ამშვიდებს.
განსაკუთრებით მნიშვნელოვანია, რომ ჯანსაღად ისაუზმოთ, რადგანაც მთელი დღის განმავლობაში ამ შემთხვევაში უფრო გამძლე ხართ სტრესული სიტუაციების მიმართ. კვლევის თანახმად, თუ ადამიანი ე.წ. ფასთ ფუდით საუზმობს, ის ვერ ერევა სტრესს და აწუხებს შფოთვა.
ამერიკელმა მკვლევარებმა აღმოაჩინეს, რომ ადამიანებში, რომლებიც 5 კვირის განმავლობაში ერთსა და იმავე მანტრას უსმენდნენ, ან ერთსა და იმავე პოზიტიურ ფრაზას იმეორებდნენ ყოველ დღე, 23,8 %-ით მცირდება სტრესის ხარისხი, მათ არ აწუხებთ არასასურველი, ნეგატიური ფიქრები და პოზიტივზე არიან ორიენტირებულნი.
