ასტროლოგები მიმდინარე კვირისთვის ასახელებენ, რომელი დღეები იქნება ყველაზე წარმატებული და გამორჩეული და როდის ჯობს, შედარებით ფრთხილად ვიყოთ:
9 ოქტომბერი
ეს დღე გაჩვენებთ, რომ ახლა ცვლილებებისა და განვითარების დროა და უკვე შეჩვეულ მეთოდებსა და საქმეებს, ახალი, განსხვავებული გზები უნდა დაამატოთ. შესაძლოა, აღმოაჩინოთ, რომ ის, რასაც აკეთებთ, აღარაა საკმარისი და ახლა სხვანაირი ხედვა გჭირდებათ. კომფორტულ, უკვე შეჩვეულ მდგომარეობაში ცვლილებების შეტანა, თავიდან, შეიძლება არც ისე სასიამოვნო იყო, მაგრამ სხვაგვარად განვითარება და პროგრესი, ალბათ, შეუძლებელია.
ასტროლოგები გირჩევენ, რომ ამ დღეს საკუთარ ფინანსებსა და დანახარჯებს განსაკუთრებული ყურადღება მიაქციოთ და ფული გონივრულად გამოიყენოთ. დიდი შანსია, რომ ისეთი რაღაცები შეიძინოთ, რაც სინამდვილეში არ გჭირდებათ. ასევე, ფრთხილად იყავით მსხვილ შესყიდვებთანაც. თითოეული დეტალი კარგად შეამოწმეთ და მხოლოდ ამის შემდეგ მიიღეთ ყიდვის გადაწყვეტილება.
11 ოქტომბერი
ეს დღე ემოციური არასტაბილურობით ხასიათდება. ამიტომაც, თუკი კონფლიქტურ სიტუაციებში ჩაერთვებით, მხოლოდ საკუთარ თავს დაიზიანებთ. შეეცადეთ, დრო მშვიდად გაატაროთ და ნუ აჰყვებით ადამიანებს უსაფუძვლო კამათსა და დაპირისპირებაში.
12 ოქტომბერი
ამ დღეს შესაძლოა, ჩვენი ქცევა და გადაწყვეტილებები სრულიად მოულოდნელი და სპონტანური იყოს და გავაკეთოთ ისეთი რამ, რაზეც ადრე ვფიქრობდით, რომ არასოდეს გავაკეთებდით. შესაძლოა, სპონტანურმა გადაწყვეტილებებმა სიახლეებისა და წარმატებებისკენაც კი მიგვიყვანოს, მაგრამ ასტროლოგები გვირჩევენ, რომ ვიდრე რაიმე, სრულიად განსხვავებულ და მოულოდნელ გადაწყვეტილებას მივიღებთ, კარგად დავფიქრდეთ და სიტუაცია შევაფასოთ.
13 ოქტომბერი
ეს დღე გიბიძგებთ, რომ საკუთარი თავისთვისაც და გარშემომყოფებისთვისაც რაღაც სასიკეთო და სასიამოვნო გააკეთოთ. სხვებისთვის გაწვდილი დახმარების ხელი თქვენზეც დადებითად აისახება, მოგცემთ მოტივაციას და სამომავლო წარმატებებისთვის გზას გაგიხსნით. ამიტომაც, იყავით კეთილგანწყობილი და ამ ემოციას სამყარო უკან ორმაგად დაგიბრუნებთ.
14 ოქტომბერი
ამ დღეს შესაძლოა, სრულიად დაუგეგმავად მნიშვნელოვან ადამიანს შეხვდეთ, რომელიც თქვენს ცხოვრებას მთლიანად შეცვლის. ნუ იტყვით უარს მეგობრებთან ერთად გასეირნებაზე, მოგზაურობასა და წვეულებებზე. შეიძლება, სწორედ იქ შეხვდეთ მას, ვინც თქვენთვის ჯერ საინტერესო თანამესაუბრე აღმოჩნდება, შემდეგ კი ეს ურთიერთობა გაგრძელდება.
15 ოქტომბერი
ასტროლოგები გვირჩევენ, რომ ეს დღე ადამიანებთან ურთიერთობისთვის, პოზიტიური განწყობის გაცვლისა და დადებითი ენერგიების შეგროვებისთვის გამოვიყენოთ. ხშირად, საყვარელ ადამიანებთან საუბარი, მათთან ერთად სიცილი საუკეთესო თერაპიაა, გვძლევს მოტივაციას და შემართებას.
