ბახმაროში კოვიდტესტირების კაბინეტი მუშაობას განაგრძობს. გუშინ ეპიდემიოლოგებმა 30 ტესტი ჩაატარეს.
როგორც ჩოხატაურის ჯანდაცვის ცენტრში ამბობენ, ვითარება ბახმაროში კეთილსაიმედოა.
გუშინ ჩატარებული ტესტებიდან ინფიცირების არცერთი შემთხვევა არ დაფიქსირებულა.
ცნობისთვის, ბახმაროში კოვიდტესტირების კაბინეტი პარასკევს ამუშავდა. ინფიცირების შემთხვევები არც პარასკევს გამოვლენილა. კორონავირუსზე ტესტის გაკეთება მოქალაქეებს ორშაბათიდან პარასკევის ჩათვლით შეუძლიათ.
