ასტრაგალი
მრავალწლიანი ბალახეული მცენარე, წარმოადგენს საერთო მატონიზირებელ ნივთიერებას ორგანიზმისთვის. მისი სასარგებლო თვისებების შესახებ 1000 წლის წინაც კი იცოდნენ – ფართოდ გამოიყენებოდა ჩინურ მედიცინაში იმუნური სისტემის გასაძლიერებლად. ასევე ფიზიკური, გონებრივი და ემოციური სტრესის წინააღმდეგ. თანამედროვე კვლევებმა აჩვენა, რომ ის შეიძლება ძალიან ეფექტური იყოს გაციების მკურნალობისას, ამასთან იცავს ღვიძლს და ანადგურებს ვირუსებს.
ხახვი
ფლობს ანტიბაქტერიულ, ანტისეპტიკურ და გამაჯანსაღებელ თვისებებს. ჩვენს წინაპრებს სჯეროდათ, რომ თუ ადამიანი რეგულარულად ახალ ხახვს მიიღებდა, ის განიკურნებოდა, რადგან მათი წარმოდგენით ხახვს შეეძლო ავადმყოფობის გამოდევნა ორგანიზმიდან. იმისათვის რომ სახლში თავი დაიცვათ არასასურველი ბაქტერიებისა და მიკრობებისგან, შეგიძლიათ დაჭრილი ხახვი თეფშზე დააწყოთ. სხვათა შორის, როდესაც ეს სასარგებლო პროდუქტი ლაიმის წვენსა და სხვა რამდენიმე ნატურალურ კომპონენტს შეურიეს, ამან ეფექტი იქონია ანტიბიოტიკებისადმი რეზისტენტული ბაქტერიის ნაწლავის ჩხირის განადგურებაზე.
კომბოსტო
კომბოსტოს გააჩნია ანტიმიკრობული თვისებები, რისი მეშვეობითაც ანადგურებს ბევრ დაავადების გამომწვევ ბაქტერიას. ყველაზე საინტერესო კი ის არის, რომ მისი სასარგებლო თვისებები იზრდება დამწნილების შემთხვევაში. ამიტომ აუცილებლად ჩართეთ ის თქვენს რაციონში. ყოველდღიურად ამ პროდუქტის მიღება ნერვებს ამშვიდებს და ხსნის დაძაბულობას. მისი წვენი სასარგებლოა კუჭ-ნაწლავის წყლულის დროს.
თაფლი
მეცნიერებმა დაადგინეს, რომ თაფლი შეიცავს ერთ საიდუმლო ინგრედიენტს –დეფენსინს, რომელიც წარმოადგენს ცილას. ფუტკრები მას თაფლის წარმოებისას უმატებენ. ის ბუნებრივი ანტიბიოტიკია, ვინაიდან კლავს არასასურველ ბაქტერიებს და ორგანიზმის იმუნურ სისტემას იცავს დაავადებებისგან. უკუჩვენება აქვს მათთვის, ვინც ზოგადად ალერგიულია ამ პროდუქტის მიმართ.
დარიჩინი
მრავალი საუკუნის მანძილზე დარიჩინს იყენებდნენ როგორც ბუნებრივ ანტიბიოტიკს. მეცნიერებმა აღმოაჩინეს, რომ ის არა მხოლოდ ნატურალურ ანტიბიოტიკს წარმოადგენს,
არამედ ანტიოქსიდანტსაც. ამასთან, ხელს უწყობს იმუნური სისტემის სტიმულირებას. სუფთა, ნამდვილად ცეილონში მოყვანილ დარიჩინს შეუძლია ეშერიხიის ჩხირების შეტევის შეჩერება საწყის სტადიაზე.
სალვია
სამკურნალო სალვიას დახმარებით შეიძლება ბუნებრივად გადავჭრათ ზედა სასუნთქ გზებთან დაკავშირებული პრობლემები. ასევე, კარგია მისი მიღება მუცლის ტკივილისას, სიცხის დროს, ეფექტურად უმკლავდება გრიპსა და გაციებას.
ურცი
ურცის ფოთლები და ზეთი წარმოადგენს ძალიან ეფექტურ ბუნებრივ ანტიბიოტიკს. ამ მცენარის ზეთში შემავალ თიმოლს გააჩნია ანტიმიკრობული, ანტიმიკოზური (სოკოს საწინაააღმდეგო) და ანტიპროტოზოული თვისებები.
გრეიფრუტის თესლის ექსტრაქტი
ფლობს ძალიან ძლიერ ანტიბაქტერიულ და ანტივირუსულ თვისებას. სხვა ანტიბიოტიკებისგან განსხვავებით, რომლებიც არჩევითად მოქმედებენ ბაქტერიებზე, ექსტრაქტი ახდენს გამანადგურებელ ზემოქმედებას ავადმყოფობის გამომწვევ ბაქტერიებზე, სხვადასხვა მიკრობებზე, პარაზიტებზე, სოკოზე, ვირუსებსა და მიკროორგანიზმებზე.
