მთვარე რომ ადამიანების ცხოვრებაზე, მათ ხასიათსა და საქმიანობაზე განსაკუთრებულ გავლენას ახდენს, ამაზე სპეციალისტებს არაერთხელ უსაუბრიათ. ასტროლოგები ყოველთვიურად მთვარის კალენდრის მიხედვით ყველაზე საყურადღებო თარიღებს ასახელებენ, როცა წარმატების უფრო მეტი შანსი გვაქვს.
ივლისის ყველაზე ხელსაყრელი დღეებია: 1, 3, 6, 12, 17, 18, 22, 25, 26, 30.
ივლისის თვის არახელსაყრელი დღეებია: 2, 4, 7, 9, 13, 14, 16, 21, 23, 28
კლებადი მთვარე – 1-ელი ივლისიდან 5 ივლისამდე, 21 ივლისიდან 4 აგვისტომდე
კლებადი მთვარის პერიოდში განსაკუთრებით მნიშვნელოვანია, რომ არსებულ საქმეებსა და პროექტებზე ვკონცენტრირდეთ და ყველაფერი, რაც დავიწყეთ, დავასრულოთ. ამავდროულად, ჯობს ეს პერიოდი გეგმების შედგენას დავუთმოთ, განვსაზღვროთ, რისი გაკეთება გვსურს და როგორ შეიძლება, მიზნებს მივაღწიოთ.
ახალი მთვარე – 6 ივლისი
ახალი მთვარე, როგორც წესი, ძალიან დიდი ენერგიით ხასიათდება და შესაძლოა, ამ დღეს მომატებული შფოთვა, გაღიზიანებადობა ვიგრძნოთ. ჯობს, ეს დღე დასვენებას დაუთმოთ. განიტვირთეთ, მაქსიმალურად მოერიდეთ კონფლიქტურ სიტუაციებს. ამავდროულად, ახალი მთვარე საუკეთესო პერიოდია, ახალი საქმეებისა და მიზნების ჩამოსაყალიბებლად.
მზარდი მთვარე – 7ივლისიდან 21 ივლისამდე
ეს თვის ყველაზე ხელსაყრელი პერიოდია, როდესაც თითოეული ადამიანი მომატებულ ენერგიას გრძნობს და შეუძლია, ის საქმეებიც კი, რომლებიც რთულად ეჩვენებოდა, მარტივად გადაჭრას. თუკი რაიმე მნიშვნელოვანის დაწყება გსურთ, აპირებთ სადმე მონაწილეობას, ხელშეკრულების გაფორმებას, მოლაპარაკებებს, აღნიშნულ პერიოდში დაგეგმეთ. წარმატების გაცილებით მეტი შანსი გექნებათ.
სავსე მთვარე – 21 ივლისი
სავსე მთვარის დღეს თითოეული ადამიანი მომატებულ ენერგიას გრძნობს. აქ კი მნიშვნელოვანია, ეს ენერგია სწორად გამოვიყენოთ. დაუთმეთ დრო შემოქმედებას, კარგად დააკვირდით თქვენს იდეებს, შესაძლოა, მათში რაღაც განსაკუთრებული და საინტერესო იმალებოდეს. ყურადღება მიაქციეთ ნიშნებს. როგორც ასტროლოგები ამბობენ, ამ დღეს სიზმრებს განსაკუთრებული მნიშვნელობა აქვს. განიტვირთეთ, ძალები აღიდგინეთ და მიზნისკენ სვლას გაცილებით დიდი მოტივაციით შეძლებთ.
