რუსმა ოკუპანტებმა უკრაინის სიდიდით მე-4 ქალაქ დნიპროზე სარაკეტო იერიში მიიტანეს. დაბომბვის შედეგად 4 მშვიდობიანი მოქალაქე დაიღუპა, მათ შორის 2 ბავშვია: 8 წლის ბიჭი და 9 წლის გოგო. ამის შესახებ ინფორმაციას დნიპროს რეგიონული სამხედრო ადმინისტრაციის ხელმძღვანელმა, ვალენტინ რეზნიჩენკო ავრცელებს.
“რუსებმა დნიპროში ის ტერიტორია დაბომბეს, სადაც მშვიდობიანი მოქალაქეები ცხოვრობენ. ღამის თავდასხმას უკვე შეეწირა დნეპრის ოთხი მკვიდრის სიცოცხლე. კერძოდ, დამპყრობლებმა მოკლეს ორი ზრდასრული და ორი ბავშვი – 8 წლის ბიჭი და 9 წლის გოგონა.
აგრეთვე, რუსების იერიშების შედეგად ქალაქში დაზიანდა 60-ზე მეტი კერძო სახლი, რამდენიმე კორპუსი, ავტობუსები, მანქანები და ელექტროგადამცემი ხაზები.“ – ამბობს რეზნიკოვი.
,,ძნელია ამის შესახებ ინფორმაციის მიღება, დნიპროში სარაკეტო თავდასხმის ადგილზე მაშველებმა აღმოაჩინეს კიდევ ერთი ბავშვის სხეულის ფრაგმენტები.” – დაამატა რეზნიკოვმა
საგანგებო სიტუაციების მართვის სამსახურში აცხადებენ, რომ დაშავებულია კიდევ 5 ადამიანი: 41 წლის მამაკაცი, 20 წლის ბიჭი, 65 წლის ქალი, 19 წლის გოგონა და 12 წლის. გოგონა, რომელიც საკუთარი სახლის ნანგრევებიდან გამოიყვანეს. ყველა მათგანი მოტეხილობებითა და ჭრილობებით საავადმყოფოში იმყოფება.
Pravda წერს, რომ ნიკოპოლის ოლქი იბომბებოდა, „გრადოვიდან“ და მძიმე არტილერიიდან ისროდნენ. ნიკოპოლში დაზიანდა სამრეწველო ინფრასტრუქტურა, კრასნოგრიგორიევსკის თემში დაზიანდა 10 კერძო სახლი, 6 დამხმარე შენობა და მანქანები. ადამიანები არ დაშავებულა.
ასევე, 29 სექტემბერს, დილით, რუსებმა დაარტყეს კრივოი როგის რეგიონის ზელენოდოლსკის თემში ინდუსტრიულ ინფრასტრუქტურას. წინასწარი მონაცემებით, დაზიანდა ადმინისტრაციული შენობა, დაშავდა საწარმოს 15 თანამშრომელი.
ავტორი
