რუსეთი ჩაატარებს წვრთნებს ბირთვული ტრიადის გამოყენებით, – ამის შესახებ ინფორმაციას რუსული ონლაინ გამოცემა ria თავდაცვის სამინისტროზე დაყრდნობით ავრცელებს.
როგორც გამოცემა წერს, წვრთნები პუტინის ხელმძღვანელობით 19 თებერვალს დაიწყება, რომელიც მოიცავს სტრატეგიულ ავიაციას, კონტინენტთაშორის ბალისტიკურ რაკეტებს და წყალქვეშა სარაკეტო მატარებლებს.
„19 თებერვალს რუსეთის შეიარაღებული ძალების უმაღლესი მთავარსარდლის ვლადიმერ პუტინის ხელმძღვანელობით გაიმართება სტრატეგიული შეკავების ძალების გეგმიური წვრთნა, რომლის დროსაც ბალისტიკური რაკეტები იქნება გაშვებული.
სტრატეგიული შეკავების ძალების წვრთნები ადრე დაიგეგმა სამხედრო სარდლობისა და კონტროლის ორგანოების, საბრძოლო ეკიპაჟების, ხომალდების ეკიპაჟების და სტრატეგიული რაკეტების მატარებლების მზადყოფნის შესამოწმებლად დაკისრებული ამოცანების შესასრულებლად, აგრეთვე სტრატეგიული ბირთვული და იარაღის საიმედოობის შესამოწმებლად. არაბირთვული ძალები“, _ ნათქვამია თავდაცვის სამინისტროს განცხადებაში.
ღონისძიებებში ჩაერთვებიან საჰაერო კოსმოსური ძალები, სამხრეთ სამხედრო ოლქი, სტრატეგიული სარაკეტო ძალები , ჩრდილოეთ და შავი ზღვის ფლოტები.
