რუსეთმა რძის პროდუქტების იმპორტი სომხეთიდან აკრძალა, ორ მოკავშირე ქვეყანას შორის მზარდი დაძაბულობის ფონზე. ამის შესახებ azatutyun.am წერს.
რუსეთის ვეტერინარული და ფიტოსანიტარიული ზედამხედველობის ფედერალურმა სამსახურმა, როსელხოზნადზორმა პირველად 28 მარტს გაავრცელა ინფორმაცია, რომ სომხური რძის პროდუქტების მწარმოებელი კომპანიები “ირანული წარმოების რძესა და სხვა ნედლეულს იყენებენ, რაც რუსეთში აკრძალულია”.
გამოცემა წერს, რომ 31 მარტს როსელხოზნაძორმა განაცხადა, რომ მისმა მოლაპარაკებებმა სომხეთის სურსათის უვნებლობის ინსპექციასთან “არადამაკმაყოფილებელი შედეგი” გამოიღო, ამიტომ სომხეთის სახელმწიფო ვეტერინარულ სამსახურს სთხოვა, 5 აპრილიდან რუსეთში ექსპორტირებული ყველა რძის პროდუქტის უსაფრთხოების სავალდებულო სერტიფიკაცია შეაჩეროს.
სომხეთის მთავრობას ამ ნაბიჯის შესახებ კომენტარი ჯერ არ გაუკეთებია.
სურსათის უვნებლობის ინსპექციის სპიკერმა ოთხშაბათს განაცხადა, რომ ირანული ნედლეული უსაფრთხოა მოხმარებისთვის. მან, ასევე განუცხადა რადიო თავისუფლების სომეხეთის ბიუროს, რომ როსელხოზნაძორის მიერ გასულ კვირაში ჩატარებული ზოგიერთი რძის მწარმოებელი ფირმის შემოწმებამ არ გამოავლინა „არანაირი პრობლემა, რომელიც საფრთხეს უქმნის ადამიანების სიცოცხლესა და ჯანმრთელობას“.
რუსეთის დამკვირვებელმა პირველი გაფრთხილება გამოსცა სომხეთის საკონსტიტუციო სასამართლომ მწვანე შუქი აანთო სისხლის სამართლის საერთაშორისო სასამართლოს დამფუძნებელი ხელშეკრულების საპარლამენტო რატიფიცირებისთვის. გადაწყვეტილება, თავის მხრივ, გამოვიდა ერთი კვირის შემდეგ, რაც სასამართლომ გამოსცა დაპატიმრების ორდერი რუსეთის პრეზიდენტის ვლადიმერ პუტინისთვის, რუსეთის მიერ უკრაინაში სავარაუდო სამხედრო დანაშაულების გამო.
მოსკოვმა ორშაბათს გააფრთხილა, რომ ჰააგის ტრიბუნალის იურისდიქციის აღიარება რუსეთ-სომხეთის ურთიერთობებზე “უკიდურესად ნეგატიურ” შედეგებს მოიტანს.
სომხეთის მთავრობას ჯერ არ გაუკეთებია საჯაროდ რეაგირება მკაცრ გაფრთხილებაზე. მიუხედავად ამისა, ორმა პრო-სამთავრობო დეპუტატმა ამ კვირის დასაწყისში განაცხადა, რომ ერევანს არ უნდა ეშინოდეს პუტინის დაკავების დაპირების დადების, თუ ის სამხრეთ კავკასიის ქვეყანას ეწვევა.
რუსეთ-სომხური ურთიერთობები ბოლო დროს დაიძაბა იმის გამო, რასაც პრემიერ-მინისტრ ნიკოლ ფაშინიანის ადმინისტრაცია ხედავს, რუსეთის მხარდაჭერის ნაკლებობას სომხეთისთვის აზერბაიჯანთან კონფლიქტში.
სომხეთის რუსეთში ექსპორტის მცირე წილს რძის პროდუქტები შეადგენს. ახალი ხილისა და ბოსტნეულის, დამუშავებული საკვებისა და ალკოჰოლური სასმელების სომეხი ექსპორტიორებისთვის რუსული ბაზარი ბევრად უფრო მნიშვნელოვანია.
სომხეთის ექსპორტი რუსეთში გასულ წელს თითქმის სამჯერ გაიზარდა და 2,4 მილიარდ დოლარს მიაღწია მოსკოვის წინააღმდეგ დასავლეთის ეკონომიკური სანქციების შედეგად. მზარდი ვაჭრობა და სხვა ფულადი ნაკადები რუსეთიდან არის მთავარი მიზეზი იმისა, რომ სომხეთის ეკონომიკა გასულ წელს 12,6 პროცენტით გაიზარდა.
ავტორი
