30 აპრილს, რუსეთმა სარაკეტო დარტყმა განახორციელა ქალაქ ოდესაში, შავი ზღვის სტრატეგიული პორტის მთავარ აეროპორტში, განადგურებულია ახლად აშენებული ასაფრენი ბილიკი. – ამის შესახებ ინფორმაციას reuters სამხედრო და სამოქალაქო ოფიციალურ პირებზე დაყრდნობით ავრცელებს.
“ოდესის აეროპორტის ასაფრენი ბილიკი განადგურდა. ჩვენ, რა თქმა უნდა, აღვადგენთ მას, მაგრამ ოდესა არასოდეს დაივიწყებს რუსეთის ქცევას მათ მიმართ”, – თქვა ვოლოდიმირ ზელენსკიმ.
ოდესის რეგიონის გუბერნატორმა მაქსიმ მარჩენკომ განაცხადა, რომ რუსეთმა ყირიმიდან გაშვებული ბასტიონის რაკეტა გამოიყენა.
“მადლობა ღმერთს, არავინ დაშავებულა. რეგიონში ანტიდივერსიული ღონისძიებები ტარდება”, – თქვა გუბერნატორმა.
ოდესის მერის, გენადი ტრუხანოვის თქმით, 10 წელი დასჭირდა ახალი ასაფრენი ბილიკის დაპროექტებას და აშენებას, რომელიც ოფიციალურად გაიხსნა გასულ ივლისში.
“ახალი ასაფრენი ბილიკის წყალობით ჩვენ ველოდით ტურისტების კოლოსალურ ნაკადს მთელი მსოფლიოდან. ამის ნაცვლად, ჩვენ მივიღეთ სარაკეტო დარტყმა.
მაგრამ ოდესა არ არის ქალაქი, რომელიც სიძნელეებს დანებდება. ჩვენ აუცილებლად აღვადგენთ ასაფრენ ბილიკს, ჩვენი გამარჯვების შემდეგ და კიდევ უფრო მეტი ტურისტი მოვა ჩვენთან”, – თქვა მერმა.
ავტორი
