REUTERS-ის ინფორმაციით, რუსეთის პრეზიდენტმა ვლადიმერ პუტინმა ხუთშაბათს განაცხადა, რომ რუსეთს სურს დასრულდეს ომი უკრაინაში და რომ ეს აუცილებლად მოიცავს დიპლომატიურ გადაწყვეტას.
მაუწყებლის ინფორმაციით, პუტინმა ეს კომენტარი გააკეთა მას შემდეგ, რაც აშშ-ს პრეზიდენტმა ჯო ბაიდენმა თეთრ სახლში უკრაინის პრეზიდენტ ვოლოდიმირ ზელენსკის უმასპინძლა და დაჰპირდა მას აშშ-ს მუდმივ და ურყევ მხარდაჭერას.
„ჩვენი მიზანი არ არის სამხედრო კონფლიქტის საფრენი ბორბლის დატრიალება, არამედ, პირიქით, ამ ომის დასრულება“, – განაცხადა პუტინმა. „ჩვენ ვეცდებით, რომ დასრულდეს და რაც უფრო მალე, მით უკეთესი, რა თქმა უნდა”.
თეთრი სახლის სპიკერმა ჯონ კირბიმ თქვა, რომ პუტინმა “აბსოლუტურად ნულოვანი ნიშანი აჩვენა, რომ მზად არის მოლაპარაკებისთვის” ომის დასრულების შესახებ, რომელიც დაიწყო მას შემდეგ, რაც მოსკოვმა ჯარები გაგზავნა უკრაინაში 24 თებერვალს.
”პირიქით,” – განუცხადა კირბიმ ჟურნალისტებს ონლაინ ბრიფინგზე. „ყველაფერი, რასაც ის (პუტინი) აკეთებს ადგილზე და ჰაერში, მიანიშნებს კაცზე, რომელსაც სურს განაგრძოს ძალადობის ხილვა უკრაინელ ხალხზე“ და „ომის ესკალაცია“.
კირბიმ გაიმეორა, რომ ბაიდენი ღიაა პუტინთან მოლაპარაკებებისთვის, მაგრამ მხოლოდ მას შემდეგ, რაც რუსეთის ლიდერი “მოლაპარაკებების სერიოზულობას გამოავლენს”.
ცნობისთვის, რუსეთი დაჟინებით აცხადებდა, რომ ღიაა მოლაპარაკებებისთვის.
“მე არაერთხელ მითქვამს: საომარი მოქმედებების გამწვავება იწვევს გაუმართლებელ დანაკარგებს“, – განუცხადა პუტინმა ჟურნალისტებს.
„ყველა შეიარაღებული კონფლიქტი ასე თუ ისე მთავრდება დიპლომატიურ გზაზე რაიმე სახის მოლაპარაკებებით“, – დასძინა მან. “ადრე თუ გვიან, კონფლიქტურ მდგომარეობაში მყოფი მხარეები სხდებიან და შეთანხმებას დებენ. რაც უფრო მალე გააცნობიერებენ ისინის ამას, ვინც გვეწინააღმდეგება, მით უკეთესი. ჩვენ არასოდეს დავთმობთ ამას.”
რუსეთი ამბობს, რომ ეს არის უკრაინა, რომელიც უარს ამბობს მოლაპარაკებაზე. კიევი აცხადებს, რომ რუსეთმა უნდა შეწყვიტოს თავდასხმები და დათმოს ყველა მიტაცებული ტერიტორია.
პუტინმა ასევე უარყო პატრიოტის საჰაერო თავდაცვის სისტემის მნიშვნელობა, რომლის მიწოდებასაც ბაიდენი დათანხმდა ზელენსკისთვის და თქვა, რომ რუსეთი იპოვის გზას მასთან დასაპირისპირებლად.
მისი თქმით, ის “საკმაოდ ძველია” და არ მუშაობს ისე, როგორც რუსული S-300 სისტემა. ”ანტიდოტი ყოველთვის მოიძებნება”, – თქვა მან და დაიკვეხნა, რომ რუსეთი ”გატეხავს” პატრიოტებს.
“ასე რომ, ვინც ამას აკეთებს, ამაოდ აკეთებს ამას. ეს მხოლოდ კონფლიქტის გახანგრძლივებაა, სულ ეს არის.”
პუტინმა ასევე თქვა, რომ დასავლეთის ქვეყნების მიერ რუსულ ნავთობზე დაწესებული ფასის ლიმიტი, რომელიც შექმნილია ომის დაფინანსების შესაძლებლობის შეზღუდვის მიზნით, არ დააზარალებს რუსეთის ეკონომიკას. მან თქვა, რომ მომავალი კვირის დასაწყისში მოაწერს ხელს განკარგულებას რუსეთის პასუხის გასარკვევად.
