რუსეთის საგარეო საქმეთა სამინისტროს წარმომადგენელი, მარია ზახაროვა აცხადებს, რომ რუსეთსა და საქართველოს შორის პირდაპირი ფრენების განახლება არ არღვევს დასავლეთის სანქციებს. მან ამერიკა და ევროკავშირი დაადანაშაულა რეგიონში სიტუაციის შერყევის მცდელობაში.
“ბევრი გვსმენია იმის შესახებ, რომ ეს ფრენები არღვევს ერთგვარ აკრძალვას და ა.შ. ფრენები რუსეთსა და საქართველოს შორის, არ არსებობს სანქციების რეჟიმები – მიუხედავად მათი უკანონობისა, თუ ეს სანქციების რეჟიმები უბრალოდ დაფიქსირდა, როგორც არსებული და არა როგორც დასაშვები – ეს ფრენები არ არღვევს მას.
მაგრამ, როგორც ხედავთ, ეს არ აწუხებს აშშ-სა და ევროკავშირის წარმომადგენლებს, რომლებიც არ წყვეტენ თავიანთ მცდელობებს უკარნახონ თავიანთი ნება და დააწესონ თავიანთი სტანდარტები სუვერენულ სახელმწიფოებზე, შეარყიონ სიტუაცია რეგიონში“, – თქვა ზახაროვამ.
ცნობისთვის, 15 მაისს ძალაში შევიდა რუსეთის პრეზიდენტის ვლადიმერ პუტინის განკარგულება, რომლის თანახმადაც, სავიზო რეჟიმი გაუქმდა. 10 მაისს რუსეთმა მოხსნა საქართველოსთან პირდაპირ ავიამიმოსვლაზე აკრძალვა.
19 მაისს “აზიმუტმა” უკვე შესრულდა პირველი პირდაპირი ფრენა მოსკოვიდან. “ქართული ოცნება” გადაწყვეტილებას მიესალმება. ხელისუფლების წარმომადგენლები ამბობენ, რომ ეს რუსეთში მცხოვრებ საქართველოს მოქალაქეებს გაუმარტივებს ცხოვრებას და რომ არ აპირებენ რაიმე ზომის მიღებას, რადგან საკუთარ მოქალაქეებს სანქციას ვერ დაუწესებენ.
გადაწყვეტილებას კრიტიკა მოჰყვა დასავლეთის მხრიდან. 29 მაისს ევროკავშირის ელჩი საქართველოში, ევროკავშირის ყველა ელჩთან ერთად, რუსეთთან პირდაპირი ფრენების აღდგენის გამო დემარშის გადაცემის მიზნით ვიცე-პრემიერს, ეკონომიკის მინისტრ ლევან დავითაშვილს შეხვდა.
