რუსეთის ქალაქ ბელგოროდში, სუხოვის აეროპორტის ტერიტორიაზე უპილოტო საფრენი აპარატი ჩამოვარდა და აფეთქდა – ამის შესახებ ინფორმაციას გამოცემა ბაზა ავრცელებს.
გამოცემის ცნობით, დრონზე დაუდგენელი ასაფეთქებელი მოწყობილობა იყო დამონტაჟებული. “ბაზა” წერს, რომ აფეთქების შედეგად არავინ დაშავებულა, თუმცა დაზიანდა ღობე და აეროპორტის სასიგნალო კაბელი.
მათივე ინფორმაციით, აფეთქების გამო აეროპორტმა მუშაობა დროებით შეწყვიტა.
ასევე ინფორმაციას რუსულ სამთავრობო მედიაშიც ვრცელდება.
“შუადღით დრონი ჩამოვარდა, აეროპორტის ღობე ოდნავ დაზიანდა”. – წერს რუსეთის სამთავრობო მედია, RIA Novosti საგანგებო სიტუაციების სამსახურის წარმომადგენელზე დაყრდნობით.
RIA Novosti წერს, რომ ბელგოროდის აეროპორტი რუსეთის სამხრეთ და ცენტრალურ ნაწილში ფრენების შეზღუდვის რეჟიმის ფარგლებში 2022 წლის 24 თებერვლიდანაა დაკეტილი.
ავტორი
