რუსეთის პრეზიდენტმა, ვლადიმერ პუტინმა, ქერჩის სრუტის ხიდი გახსნა.
BBC-ის ინფორმაციით, პუტინის მიერ ახალი სარკინიგზო ხაზის გახსნა ევროკავშირმა დაუყოვნებლივ დაგმო, როგორც რუსეთის მიერ უკრაინის სუვერენიტეტისა და ტერიტორიის მორიგი დარღვევა.
რუსეთის პრეზიდენტის განცხადებით, ქერჩის სრუტის ხიდი ქვეყნის ეკონომიკაზე მოახდენს გავლენას.
პუტინის მტკიცებით, ხიდი უკვე მილიონმა ავტომობილმა გადალახა და თქვა, რომ სარკინიგზო ხაზი დიდი საქმეა და 2020 წელს 14 მილიონი მგზავრის და 13 მილიონი ტვირთის გადაზიდვა იგეგმება.
ხიდის აშენებამდე რუსეთი საზღვაო და საჰაერო გზებით ახერხებდა უკრაინისთვის ჩამორთმეულ ყირიმის ნახევარკუნძულთან დაკავშირებას.
ევროკავშირში ამბობენ, რომ ხიდი არა მარტო რუსეთის ყირიმში იძულებით ინტეგრაციის გაგრძელებაა, არამედ ზღუდავს აზოვის ზღვაში უკრაინული პორტებისკენ თავისუფალ გადაადგილებას.
ევროკავშირმა აკრძალა ყირიმიდან არაუკრაინული წარმოების პროდუქციის იმპორტი და ევროპული კომპანიების იქ ინვესტიცია. ევროპულ საკრუიზო გემებს ყირიმის ნავსადგურში შესვლის უფლება არ აქვთ, თუ საგანგებო მდგომარეობაში არ არიან.
რუსეთისა და ყირიმის ახალი დამაკავშირებელი გზა ასევე დაგმო უკრაინის პრეზიდენტის ადმინისტრაციამ და კრემლის მხრიდან საერთაშორისოდ აღიარებული სამართლის პრინციპების და ნორმების უპატივცემულობა უწოდა.
ყირიმის ანექსიის შემდეგ ომში, რომელიც 5 წელზე მეტია გრძელდება 13 000 ადამიანი დაიღუპა. მოსკოვი უარყოფს სეპარატისტების დახმარებას.
