საქართველოში “მწვანე პასპორტი” 1-ლი დეკემბრიდან ამოქმედდება.
უკვე ცნობილია ის დაწესებულებები, სადაც მოქალაქეები შესვლას მხოლოდ “მწვანე პასპორტით” შეძლებენ.
საკოორდინაციო საბჭოს გადაწყვეტილებით, 1-ლი დეკემბრიდან მოქალაქეები მხოლოდ და მხოლოდ „მწვანე პასპორტის“ პრინციპით შეძლებენ შესვლას: კვების ობიექტების, რესტორნების, კაფეების და ბარების ღია და დახურულ სივრცეებში, კინოთეატრებში, თეატრებში, ოპერაში, მუზეუმებში, საკონცერტო დარბაზებში, გასართობ ცენტრებში, სამორინეებსა და სათამაშო ბიზნესის ობიექტებზე, სპა-ცენტრებში, ფიტნეს-დარბაზებში, სასტუმროებში და ასევე სამთო კურორტების – საბაგირო გზებზე; აღნიშნული მოთხოვნა გავრცელდება ჩამოთვლილი ობიექტების სტუმრებზე. რაც შეეხება საბავშვო-გასართობ ცენტრებს, „მწვანე პასპორტის“ მოთხოვნა იმოქმედებს მხოლოდ 18 წლის ასაკს ზემოთ მოქალაქეებისთვის.
ინფორმაციისთვის, “მწვანე პასპორტის” მქონედ ჩაითვლება პირი, ვინს ვაქცინირებულია სრულად, ჩატარებული აქვს 72 საათიანი ვალიდურობის პსრ ტესტი ან 24 საათინი ვალიდურობის ანტიგენ ტესტი, ან გადატანილი აქვს კორონავირუსი.
