საგრანტო პროგრამა მერძვეობისა და მეფუტკრეობის დარგების განვითარებისთვის

აღნიშნული ინიციატივის ფარგლებში საქართველოს ფერმერთა ასოციაცია აცხადებს საგრანტო კონკურსს მესაქონლეობის (მერძევეობის) და მეფუტკრეობის დარგში არსებული მცირე და საშუალო ზომის ფერმერული მეურნეობების განვითარების მიზნით, შემდეგი მიმართულებებით:

• მცირე და საშუალო ზომის პირველადი მწარმოებლებისთვის;
• მცირე და საშუალო ზომის შემგროვებლების, დისტრიბუტორებისა და საწარმოებისთვის;
• მცირე და საშუალო ზომის გადამამუშავებელი საწარმოებისთვის.

საგრანტო პროექტის კონკურსის საფუძველზე, საქართველოს ფერმერთა ასოციაცია შეარჩევს 70 მცირე და საშუალო ზომის პირველად მწარმოებელს, 16 მცირე და საშუალო ზომის შემგროვებელს, დისტრიბუტორსა და საწარმოს, 4 მცირე და საშუალო ზომის გადამამუშავებელ საწარმოს პროექტის სამიზნე რეგიონებიდან: კახეთი, იმერეთი, გურია, რაჭა-ლეჩხუმი და ქვემო სვანეთი.

სრული ინფორმაცია განაცხადის წარდგენისა და პროგრამის პირობების შესახებ, შეგიძლიათ იხილოთ შემდეგ ბმულებზე:

 საგრანტო კონკურსი მცირე და საშუალო ზომის პირველადი მწარმოებლებისთვის: https://grants.gfa.org.ge/g-03/

 საგრანტო კონკურსი მცირე და საშუალო ზომის შემგროვებლების, დისტრიბუტორებისა და საწარმოებისთვის:

https://grants.gfa.org.ge/g-02/

 საგრანტო კონკურსი მცირე და საშუალო ზომის გადამამუშავებელი საწარმოებისთვის:

https://grants.gfa.org.ge/g-01/

განაცხადის წარდგენის ბოლო ვადა არის 3 მარტი, 2025

„გაზრდილი სასოფლო–სამეურნეო პრაქტიკა და მომხმარებელთა ცნობიერება (CAPCA)“ არის სამწლიანი (2023-2025) პროექტი, რომელიც დაფინანსებულია ევროკავშირის „სოფლის მეურნეობისა და სოფლის განვითარების ევროპის სამეზობლო პროგრამის“ (ENPARD – Georgia) მეოთხე ფაზის ფარგლებში (ENPARD IV) და ხორციელდება საქართველოს ფერმერთა ასოციაციის მიერ (წამყვანი ორგანიზაცია), საქართველოს სტრატეგიული კვლევებისა და განვითარების ცენტრთან (CSRDG) და საქართველოს მთიანი რეგიონების ამბროლაურის რაიონის ფერმერ–მეფუტკრეთა ასოციაციასთან თანამშრომლობით.