საქართველოს ფინანსთა სამინისტროს სახელმწიფო ვალის სამმართველოს უფროსის მოვალეობის შემსრულებლის, ირაკლი კაჭარავას საკუთრებაში 2016 წელს, 45 000-დოლარად შეძენილი, 96,00 კვ.მ-ის ფართობის ბინაა, რომელიც თბილისში, ნავთლუღის ქუჩაზე მდებარეობს.
ამის შესახებ კაჭარავას ქონებრივ დეკლარაციაში წერია, რომელიც საჯარო სამსახურის ბიუროს ვებ-გვერდზე გამოქვეყნდა.
რაც შეეხება მის ფინანსურ მდგომარეობას, ამავე დეკლარაციიდან ირკვევა, რომ საქართველოს ფინანსთა სამინისტროს სახელმწიფო ვალის სამმართველოს უფროსს „თი ბი სი ბანკის“ ვალი – 53500,00 დოლარი აქვს, რაც ბინის შესაძენად გამოუყენებია. თანხა მას 2016 წლის 23 ნოემბერს აუღია და გასტუმრების ვადა 2023 წლის 5 სექტემბერს ეწურება. გასულ წელს კი, ბანკისთვის 1852,39 დოლარი გადაუხდია.
ამავე დეკლარაციის თანახმად, ირაკლი კაჭარავას შემოსავლებმა ჯამში 53 924 ლარი შეადგინა.
კერძოდ, ირაკლი კაჭარავამ საქართველოს ფინანსთა სამინისტროს სახელმწიფო ვალის სამმართველოს უფროსი სპეციალისტის თანამდებობიდან (სამუშაო პერიოდი- 01.01.2016 10.03.2016) 2925,00 ლარი მიიღო; ფინანსთა სამინისტროს მაკროეკონომიკური პროგნოზირებისა და ფისაკლური რისკების შეფასების სამმართველოს უფროსის თანამდებობიდან (11.03.2016 31.12.2016) კი, – 25842,38 ლარი.
გარდა ამისა, კაჭარავა საგანმანათლებლო საქმიანობასაც ეწეოდა, რისთვისაც საქართველოს უნივერსიტეტიდან (მოწვეული ლექტორი 01.01.2016 31.12.2016) 4156,62 ლარის შემოსავალი, ხოლო ილიას სახელმწიფო უნივერსიტეტის ასისტენტ-პროფესორის პოზიციიდან (01.01.2016 31.12.2016) 21000,00 ლარი აქვს მიღებული.
ამასთან, კაჭარავას შემოსავალი უძრავი ქონების დაგირავებიდანაც (01.08.2013, 01.08.2013-31.08.2016) აქვს მიღებული და ეს თანხა 13000,00 დოლარს შეადგენს.
დეკლარაციის შევსების მომენტში კი, ირაკლი კაჭარავას “თი–ბი–სი ბანკის” სახელფასო ანგარიშზე 1326,26 ლარი ჰქონდა; “ბაზის ბანკი” სახელფასო ანგარიშზე – 40,61 ლარი, ხოლო „საქართველოს ბანკის” სახელფასო ანგარიშზე – 1024,48 ლარი.
რაც შეეხება კაჭარავას წინა წლების შემოსავლებს, როგორც საჯარო სამსახურის ბიუროს ვებ-გვერდზე განთავსებული, 2016 წელს შევსებული დეკლარაციიდან ირკვევა, 2015 წლის განმავლობაში მას ჯამში 44 000,77 ლარის შემოსავალი მიუღია.
კერძოდ, საქართველოს ფინანსთა სამინისტროდან, სადაც მას სახელმწიფო ვალის სამმართველო უფროსი სპეციალისტის თანამდებობა ეკავა – 24870.00 ლარი; საქართველოს უნივერსიტეტიდან (მოწვეული ლექტორი) – 3676.90 ლარი; ილიას სახელმწიფო უნივერსიტეტიდან (მოწვეული ლექტორი) – 5943.00 ლარი, ხოლო ამავე უნივერსიტეტის ასისტენტ-პროფესორის პოზიციიდან – 9510.87 ლარი.
