ოზურგეთის საზოგადოებრივი ჯანდაცვის ცენტრის ეპიდემიოლოგი, ელზა სიმონიშვილი “გურია ნიუსთან” საუბრისას ამბობს, რომ მდგომარეობა დაძაბულია.
“ეპიდსიტუაცია დაძაბულია. საკმაოდ საყურადღებო ფონი გვაქვს. მოიმატა ტესტირებების რაოდენობამ, მათ შორის ბევრი არის სიმპტომიანი პაციენტი, რომლებიც იტესტება ანტიგენზე დამყარებული სწრაფი ტესტით და ასევე მიმართვების საფუძველზე, პსრ-ით. რაც შეეხება რაოდენობების მომატებას, გვაქვს რამდენიმე სამსახურეობრივი კლასტერი. დაუდასტურდა სასწრაფოს თანამშრომლებს. ასევე ანასეულის თავშესაფარში გვაქვს რამდენიმე შემთხვევა, რომლებიც ჰოსპიტალიზებულები არიან. რაც შეეხება სკოლებსა და ბაღებს ასევე გრძელდება დადასტურებები. განსაკუთრებით ბაღებში. საიზოლაციო რეჟიმზე გადავიყვანეთ ლიხაურის საბავშვო ბაღის 1 ჯგუფი. ინფიცირება დაკავშირებულია რეგულაციების დარღვევასთან. სასიხარულო ფაქტი ისაა, რომ შედარებით მოიმატა ვაქცინაციის ტემპმა განსაკუთრებით ასაკოვან მოსახლეობაში. ჯანდაცვის ცენტრშიც არის ინფიცირების შემთხვევები, მაგრამ ვცდილობთ, რომ შეფერხებების გარეშე მოვემსახუროთ მოსახლეობას”,_ ამბობს სიმონიშვილი.
სულ ოზურგეთში დაფიქსირებულია კოვიდინფიცირების 9368 შემთხვევა, გამოჯანმრთელებულია 8355 პაციენტი, გარდაცვლილია 80.
