დაბა ბახმაროში დამსვენებლების დიდ ნაწილს უწყლობა აწუხებთ.
“გურია ნიუსისთვის” ერთ-ერთი დამსვენებლის მოწოდებული ინფორმაციით, სამი დღის განმავლობაში მხოლოდ ერთი საათით მოდის წყალი და მაგ დროის განმავლობაში წყლის ჭურჭელს ძვლის ავსებენ.
ჩოხატაურის მუნიციპალიტეტის მერის წარმომადგენელი დაბა ბახმაროში დავით ჟღენტი ჩვენთან საუბრისას ამბობს, რომ წყლის მიწოდება ხვალიდან აღდგება.
“ამ ეტაპზე წყაროები დაშრა და შარშანდელთან შედარებით, წყლის დებეტის ნაკლებია. ასევე, დღეს დაზიანებაც იყო, მოსახლეობას წყლის მიწოდება ხვალიდან აღუდგება”, _ გვითხრა დავით ჟღენტმა.
ჟღენტის თქმით, წყლის პროექტზე მუშაობა დაწყებულია და მომავალ წელს ეს საკითხი უკვე მოგვარებული უნდა იყოს.
[sexy_author_bio]
