სამხრეთ კორეაში რეგულარული სამხედრო წვრთნის დროს აფეთქება მოხდა. აღნიშნულ ინფორმაციას REUTERS ავრცელებს.
როგორც ცნობილია, საარტილერიო წვრთნისას მომხდარი აფეთქების შედეგად 6 ჯარისკაცი დაშავდა, ხოლო 1 დაიღუპა.
ერთ-ერთი ოფიციალური პირის თქმით, ინციდენტს ჩრდილოეთ კორეასთან კავშირი არ აქვს.
მაუწყებლის ცნობით, სამხრეთ და ჩრდილოეთ კორეა ტექნიკურად რჩებიან ომში, მიუხედავად იმისა, რომ 1950-1953 წლებში კორეის ომი ცეცხლის შეწყვეტით დასრულდა.
