საქართველოს ფეხბურთის ფედერაციის და სამტრედიის მუნიციპალიტეტის მერიის ორგანიზებით მოყვარულთა ლიგის გათამაშების საფეხბურთო ტურნირი დასრულდა.
თამაშები ოთხი დღის განმავლობაში, სოფელ ბაშის სტადიონზე მიმდინარეობდა, მონაწილეობდა რვა გუნდი სამტრედიის მუნიციპალიტეტის სხვადასხვა ადმინისტრაციული ერთეულებიდან.
დღეს, 14 ივნისს ფინალში ერთმანეთს შეხვდნენ სოფელ ბაშისა და სოფელ ღანირის გუნდები. დაძაბულ, უშეღავათო ბრძოლაში ანგარიშით 4:2 სოფელ ბაშის გუნდმა გაიმარჯვა.
მუნიციპალიტეტის მერიის თასით დაჯილდოვდა გამარჯვებული გუნდი და ფინალისტი გუნდების ორი საუკეთესო მოთამაშე.
ფინალის საუკეთესო მოთაშეები გახდნენ ტურნირის საუკეთესო ბომბარდირი ზაურ ხაჭიპერაძე და ფინალის საუკეთესო მოთამაშე მიხეილ ჟორჟოლიანი.
,,ვულოცავ გამარჯვებულ გუნდს და ვუსურვებ რეგიონალურ ტურნირშიც მიეღწიოთ ანალოგიური წარმატებისთვის. როგორც ვიცით, გამარჯვებული გუნდი იასპარეზებს რეგიონალურ ტურნირში, მის ეკიპირებას და ტრანსპორტირებას უზრუნველყოფს სამტრედიის მუნიციპალიტეტის მერია. მინდა, გითხრათ რომ მოყვარულთა თასის გათამაშება ხელს უწყობს მასობრივი სპორტის განვითარებას, ფეხბურთის პოპულარიზაციას და ჯანსაღი ცხოვრების წესის დამკვიდრებას”,- ,,გურია ნიუსთან” კომენტარში განაცხადა სამტრედიის მუნიციპალიტეტის მერის მოადგილემ, დავით ბახტაძემ.
