,,ჯეო ჰოსპიტალსის” სამტრედიის მრავალპროფილურ სამედიცინო ცენტრში ამცრელი კაბინეტი გამოსასვლელი დღეების გარეშე მუშაობს. ადამიანებს შეღავათი აქვთ, ფაიზერით აცრის შემთხვევაში დიდ ქალაქებში წასვლა აღარ უხდებათ.
31 ივლისს, სამტრედიის მრავალპროფილურ სამედიცინო ცენტრში პირველი გემის კაპიტანი იყო, რომელიც ,, ფაიზერით” აიცრა და მეორადი ვაქცინაციის შემდეგ უკვე ნებადართული იყო, შორეულ ნაოსნობაში უშიშრად გამგზავრებულიყო. ბოლო მონაცემებით, სამტრედიის მრავალპროფილურ სამედიცინო ცენტრში ,, ფაიზერით” 3622 აცრილია. აქედან 2369- პირველადი, ხოლო 1253 მეორადი აცრილია. როგორც ინფექციონისტი, მანანა შენგელია გვიდასტურებს, ვაქცინაცია ,,ჯეო ჰოსპიტალსის” სამტრედიის მრავალპროფილურ სამედიცინო ცენტრში ყოველდღიურად მიმდინარეობს. ამცრელ კაბინეტი, რომელსაც ემსახურება აცრის კოორდინატორი, ექიმი ინფექციონისტი მანანა შენგელია, მედდეები ინგა ლოჩოშვილი, მაკა გამყრელიძე, ეკა კეკელიძე, ლელა გაბუნია, ვერიკო კანდელაკი, დაახლოებით, ორი თვეა წარმატებით ფუნქციონირებს.
,, გურია ნიუსი” დაინტერესდა ამ დროის განმავლობაში, ჰქონდათ თუ არა, რაიმე სერიოზული გართულება აცრის პროცესში და შემდგომ. ამისთვის აცრის კოორდინატორს, მანანა შენგელიას დავუკავშირდით.
,,გვაქვს იდეალური პირობები, როგორც მომსახურე პერსონალისთვის, ასევე აცრილებისთვის. დაახლოებით, ორი თვის განმავლობაში აცრის შემდეგ გართულების არცერთი შემთხვევა არ გვაქვს. ამცრელ კაბინეტთან ერთად გვაქვს დაყოვნების ორი ოთახი, სადაც პირველადი აცრა 45 წუთი ყოვნდება, მეორადი-30 წუთი. რათქმაუნდა, ვაქცინაციას ოდნავი შიში ახლავს, თუმცა ვაქცინისმიერი გართულება არ გვქონია. გვყავს უამრავი მადლიერი პაციენტი”, _ გვითხრა ქალბატონმა მანანამ.
[sexy_author_bio]
