ჩოხატაურის მუნიციპალიტეტის მერი, დავით შარაშიძე კურორტ ბახმაროსთან დაკავშირებით განცხადებას ავრცელებს. შარაშიძე ამბობს, რომ კურორტის მოვლა-პატრონობის შესახებ არასწორი ინფორმაცია ვრცელდება.
“კურორტი ბახმარო ჩოხატაურის მუნიციპალიტეტის სავიზიტო ბარათია. გამოირჩევა სილამაზითა და სამკურნალო თვისებებით. მდებარეობს ზღვის დონიდან 2050 მეტრ სიმაღლეზე.
სამწუხაროდ, ვრცელდება არასწორი ინფორმაცია კურორტის მოვლა-პატრონობასთან დაკავშირებით, რაც ემსახურება მხოლოდ ერთ მიზანს, შეცდომაში შეიყვანონ მოსახლეობა და მოახდინონ კურორტის და მუნიციპალიტეტის დისკრედიტაცია.
ჩოხატაურის მუნიციპალიტეტის მერია და კურორტის ადმინისტრაცია, მოსახლეობასთან აქტიური კომუნიკაციით, მაქსიმალურად ცდილობენ დროულად მოხდეს ადგილზე არსებული საჭიროებების გამოვლენა და მათი აღმოფხვრა, რათა ბახმაროში არსებობდეს კომფორტული დასვენებისთვის საჭირო პირობები”,_ წერს შარაშიძე.
