“ივანიშვილის თამაშს თამაშობ” _ ასე მიმართავს “ევროპული საქართველოს” ერთ-ერთი ლიდერი, თბილისის ყოფილი მერი გიგი უგულავა, ყოფილ პრეზიდენტს და თანაგუნდელს მიხეილ სააკაშვილს.“მიშა ძვირფასო, როცა არჩევნებამდე ორი კვირა დარჩა და სხვა ოპოზიციურ პარტიას აკრიტიკებ, ივანიშვილის თამაშს თამაშობ.
როცა ოცნება ხალხს შენი დაბრუნებით, არეულობით აშინებს და ეს სამწუხაროდ მუშაობს, შენ ზღვის გადმოცურვით იმუქრები, თან იძახი პოლიცია და ჯარი ჩემს მხარესაა _ ივანიშვილის თამაშს თამაშობ.
როცა შენს თანაგუნდელებს ეუბნები _ თქვენ თუ მოიგეთ, მე ამით რა სარგებელი მაქვსო _ ივანიშვილის წისქვილზე ასხავ წყალს.
რით ვერ გააცნობიერე, რომ საფრთხობელას როლს ასრულებ ივანიშვილის თამაშში.
აღარ ვაპირებთ შენი და შენი მეგობრების წელს ქვევით პრწკენებზე ბევრი დრო დავხარჯოთ. არჩევნებია და ოცნებას ამ საჩუქარს არ გავუკეთებ.
როცა შენი პარტიის დღევანდელი ლიდერი შენს მინისტრს ( რომელთანაც ყველანაირად ვალში ხარ) ყაჩაღს უწოდებს ჟურნლისტებს გაურბიხარ _ საქართველო მე არ მეხებაო.
ახლა არჩევნების წინ ორღობესავით ჭორაობ ქართულ პოლიტიკაზე და პარტიებზე – გაუცნობიერებლად ივანიშვილის უკეთებ საქმეს. ჩამოყალიბდი რა გინდა. გულწრფელად მძიმე საყურებელია შენი ეს ასტრონომიული დეგრადაცია” _ წერს უგულავა სააკაშვილის განცხადების პასუხად, რომლის თანახმადაც “ევროპული საქართველო” არის ხალხი, რომლებმაც მიიღო შეგნებული გადაწყვეტილება, გამიჯნოდა “ნაციონალურ მოძრაობას” და ამით გააძლიერა ივანიშვილი. ეს იყო ივანიშვილის სასარგებლოდ”.
