“ევრონიუსჯორჯიას” ინფორმაციით, სასამართლომ 4 ოქტომბრის მოვლენებთან დაკავშირებით დაკავებული 13 პირი კვლავ პატიმრობაში დატოვა. გადაწყვეტილება მოსამართლე ნატო ხუჯაძემ მიიღო და ამით პროკურატურის შუამდგომლობა დააკმაყოფილა.
პროკურორი ნუგზარ ჭიტაძე აცხადებდა, რომ ბრალდებულების გათავისუფლების შემთხვევაში არსებობდა როგორც მიმალვის, ისე ახალი დანაშაულის ჩადენის საფრთხე. დაცვის მხარე კი ამ შეფასებებს უსაფუძვლოდ მიიჩნევდა და სასამართლოს ნაკლებად მძიმე აღკვეთის ღონისძიების — მათი გათავისუფლების ან გირაოს გამოყენებას სთავაზობდა.
ბრალდებულები არიან: კახაბერ კვაჭანტირაძე, სიმონ მახარაძე, გია თოლორაია, მიხეილ თოლორაია, ავთანდილ თოფჩიშვილი, იური ლომიძე, გიორგი ტალახაძე, დავით გიუნაშვილი, საბა კორძაია, გიორგი კირვალიძე, კობა ეპიტაშვილი, მანუჩარ მიქელაძე და ბექა მაჭავარიანი.
სამ ბრალდებულს ედავებიან სტრატეგიული და განსაკუთრებული მნიშვნელობის მქონე ობიექტის ხელში ჩაგდებასა და ჯგუფურ ძალადობაში მონაწილეობას, ხოლო დანარჩენ 10 პირს — ჯგუფურ ძალადობაში მონაწილეობას.
