ოზურგეთის მუნიციპალიტეტის სოფელ ჭანიეთში მცხოვრებ მარტოხელა ქალბატონს, პენსიონერ ცარო ტყეშელაშვილს, ახლახან, ძლიერი წვიმის და ქარის დროს, ისედაც დანგრევის პირას მყოფი, ძველისძველი ხის სახლის კედელი ჩამოენგრა. ის, დიდი ხანია, მარტო ცხოვრობს. მეუღლე ახალგაზრდა ასაკში გარდაეცვალა. ერთადერთი შვილი კი, უმძიმესი დიაგნოზით, საფრანგეთში სამკურნალოდ იმყოფება. ფაქტიურად, მისი შემწე არავინაა. ცხოვრობს პენსიის ამარა.
_უმძიმეს მდგომარეობაში ვარ. ასაკოვანი, მარტო დარჩენილი… ჯანმრთელი რომ ვიყო, მეუღლე ან შვილი რომ გვერდით მედგეს, როგორ შევაწუხებ ვინმეს ან როგორ დავიწუწუნებ. სამწუხაროდ, რომ იტყვიან, ჩემთვის მოიცალა ყველა უბედურებამ, _ ამბობს ის.
75 წლის ქალბატონს, ახლა რომ მართლაც სრულიად მარტო და უმძიმეს მდგომარეობაშია, სოფლის რწმუნებული, ზაზა სალუქვაძე დახმარებას ჰპირდება.
_როგორც კი ცარო ტყეშელაშვილის მდგომარეობა გავიგე, მაშინვე მივედი. შესაძლებლობის ფარგლებში, გასაჭირში მყოფ ყველა ოჯახს ვაქცევ ყურადღებას. შევატყობინე ოზურგეთის მუნიციპალიტეტის მერიას. მაშინვე მოვიდნენ ინფრასტრუქტურის სამსახურის წარმომადგენლები. სახლის მდგომარეობა მართლაც საშიშია. უახლოეს მომავალში აუცილებლად გატარდება ღონიესძიება, რომ ქალბატონ ცარო ტყეშელაშვილის დახმარებაგაეწიოს, – გვითხრა მან.
ვრცელ, სტატიას „გურია ნიუსი“ მალე შემოგთავაზებთ.
ავტორი
