| უკვე დიდი ხანია, რაც სმარტფონები ჩვენი ცხოვრების განუყოფელი ნაწილი გახდა. მობილურ ტელეფონებს არა მხოლოდ საკომუნიკაციოდ, არამედ გასართობად, ინფორმაციის მისაღებად, მუსიკის მოსასმენად და ფოტოებისა და ვიდეოების გადასაღებად ვიყენებთ. სმარტფონების პოპულარობასთან ერთად, გაიზარდა მობილური აქსესუარების რიცხვი და გამრავალფეროვნდა მათი ფუნქცია–დანიშნულებებიც.
სტატიაში განვიხილავთ პოპულარულ აქსესუარებს, რომელთა საშუალებითაც ტელეფონების გამოყენება უფრო კომფორტული და უსაფრთხოა. აქსესუარების შეძენა ნებისმიერი ბიუჯეტის მქონე ადამიანისთვის არის ხელმისაწვდომი უახლოეს ტექნიკის მაღაზიაში, უმეტესობა მათგანში კი აქსესუარებთან ერთად მობილური ტელეფონის ყიდვაც შეიძლება უპროცენტო განვადებით. მობილურის ქეისი ტელეფონის აქსესუარებზე ფიქრისას პირველი, რაც გვახსენდება, მობილურის ქეისებია. აუცილებელია, რომ ჩვენი ტელეფონი ნაკაწრების, ბზარებისა სხვა წვრილმანი თუ დიდი დაზიანებებისგან დავიცვათ. კარგ ქეისს არა მხოლოდ დაცვა, არამედ სმარტფონის გალამაზებაც შეუძლია და მათი დიზაინები მრავალფეროვანია. ქეისები ერთმანეთისგან მასალითაც განსხვავდებიან: სილიკონი, ტყავი, პლასტმასი და სხვა. ეკრანის დამცავი ეკრანის დამცავი ტელეფონის აქსესუარებს შორის უმნიშვნელოვანესია, ვინაიდან ეკრანის დაზიანება ძალიან ადვილია, მისი შეკეთება კი, როგორც წესი, დიდ ხარჯებთანაა დაკავშირებული. ეკრანის დამცავები არის თხელი შუშის და პლასტმასის ფირფიტები, რომლებიც მთლიან ეკრანს ფარავს და იცავს გარე დაზიანებებისგან, დაწყებული ნაკაწრებიდან, თითის ანაბეჭდების ჩათვლით. დამცავები იაფი და მარტივი საშუალებაა ეკრანის შესანარჩუნებლად და გრძელვადიან პერსპექტივაში მომგებიანი გადაწყვეტილებაა. პორტატული დამტენი ვინაიდან ჩვენს სმარტფონებს ყოველდღიურად მაღალი დატვირთვის ატანა უწევს, ბატარეა მალე ჯდება, რაც შეიძლება ჩვენთვის ყველაზე ნაკლებად ხელსაყრელ მომენტში მოხდეს. ამ დისკომფორტის თავიდან აცილების საუკეთესო გზა პორტატული დამტენია. პორტატული დამტენები ერთმანეთისგან ზომით და ტევადობით განსხვავდება და საშუალებას გაძლევს, დღეში რამდენჯერმე დატენო მობილური მანამ, სანამ თავად არ დასჭირდება დატენვა. დამტენების მრავალფეროვანი დიზაინი და ფერები გაგიმარტივებს შენი გემოვნებისთვის შესაფერისი შერჩევას. მანქანის სამაგრები მანქანის მფლობელებს კარგად ესმით, თუ რამხელა მნიშვნელობა აქვს ტელეფონის დასამაგრებელ მოწყობილობას მანქანაში. საჭესთან ჯდომისას ტელეფონის ხელში დაჭერა და თუნდაც მარტივი, სწრაფი ოპერაციების შესრულება საფრთხეს უქმნის შენს და მგზავრების სიცოცხლეს. მანქანის სამაგრი საშუალებას გაძლევს, კომფორტულად დაამაგრო ტელეფონი საქარე მინაზე ან შენთვის სასურველ ნებისმიერ წერტილში, გახსნა რუკა და მარტივად მოახდინო ნავიგაცია, მოუსმინო მუსიკას და ა.შ. არ დაგავიწყდეს, რომ მანქანის მართვისას შენი ყურადღება მხოლოდ და მხოლოდ გზას უნდა ეკუთვნოდეს და ტელეფონი რაც შეიძლება მინიმალურად უნდა გამოიყენო. ყურსასმენები დღეს ქუჩაში გასვლა ყურსასმენების გარეშე ბევრისთვის წარმოუდგენელია. გარემოს ხმაურის დასათრგუნად, კონცენტრაციისთვის ან უბრალოდ საყვარელი მუსიკისა და პოდკასტის მოსმენისთვის ხარისხიანი ყურსასმენები აუცილებელია. დღეს არსებული მრავალფეროვნება ყურსასმენების ბაზარზე ამარტივებს შენთვის სასურველი მოდელის არჩევას, მიუხედავად იმისა, თუ რამხელაა შენი ბიუჯეტი. სელფის ჯოხი სელფის ჯოხები პოპულარული აქსესუარია მათთვის, ვისაც სელფის გადაღება უყვარს. ამ აქსესუარის საშუალებით შეგიძლია სასურველი მანძილიდან გადაიღო ფოტო და უფრო მეტი აღბეჭდო მასში. სელფის ჯოხებს ბლუთუზის ფუნქციაც მოჰყვება, რაც უფრო მეტ კომფორტს უზრუნველყოფს, ვინაიდან მართვის პულტის საშუალებით, ტელეფონზე შეხების გარეშეც შეგიძლია სურათის გადაღება. ტელეფონის ბეჭედი ტელეფონის ბეჭედი მობილურის უკანა მხარეს მაგრდება და მისი საშუალებით ტელეფონის ხელში დაჭერა უფრო მარტივი და კომფორტულია. ბეჭდის გამოყენება საყრდენის ფუნქციითაც შეიძლება ვიდეოების ყურებისას და ვიდეო-ზარებზე ყოფნის დროსაც. მხარზე მისამაგრებელი ეს აქსესუარი ყველაზე მეტად მათ გამოადგებათ, ვინც ვარჯიშისას ტელეფონს იყენებენ. სირბილის ან სპორტდარბაზში ვარჯიშისას შეგიძლია ტელეფონი უსაფრთხოდ და კომფორტულად დაიმაგრო მხარზე, მოუსმინო მუსიკას და დააკვირდე პროგრესს. ბლუთუზ–სპიკერი ბლუთუზ დინამიკები შესანიშნავი აქსესუარია მათთვის, ვისაც მეგობრებთან და ოჯახის წევრებთან ერთად უყვარს მუსიკისა და პოდკასტების მოსმენა. სპიკერები სხვადასხვა ზომის, დიზაინის და შესაძლებლობების არის. ზოგიერთი მათგანი წყალგაუმტარიც კია, რაც გარე-გამოყენებისთვის კომფორტული საშუალებაა. უკაბელო დამტენები თუ სადენებთან კარგი დამოკიდებულება არ გაქვს, მაშინ უკაბელო დამტენი საუკეთესო გამოსავალია შენთვის. ისინი ენერგიისთვის ელექტრომაგნიტურ ველს იყენებენ და მათზე ტელეფონის მოთავსება საკმარისია ხარისხიანი დატენვისთვის. უკაბელო დამტენებიც განსხვავდება ერთმანეთისგან დიზაინით, ზომით, ფასით და ა.შ. განსაზღვრე, რამდენად ხშირად დასჭირდება შენ სმარტფონს დატენვა და შესაბამისად აარჩიე სასურველი მოდელი. კამერის ლინზები ლინზები ფოტოგრაფიის მოყვარულებისთვის განუყრელი აქსესუარია. მათი საშუალებით გადაიღებ უფრო ხარისხიან და მრავალფეროვან ფოტოებს. არსებობს სხვადასხვა დანიშნულების ლინზები, მათ შორის: ფართო კუთხის, ე.წ. თევზის თვალის, მაკრო ლინზები და სხვა. ბლუთუზ სპიკერები ბლუთუზ სპიკერები საქმიანი ადამიანების განუყრელი მეგობრები არიან. მართალია, უსადენო ყურსასმენებმა ნაწილობრივ შეითავსეს მათი დანიშნულება, მაგრამ ბლუთუზ სპიკერები ბევრისთვის მაინც ფავორიტი აქსესუარია. მას ძირითადად ისეთი ადამიანები ანიჭებენ უპირატესობას, რომლებიც მუდმივად გადარბენაზე არიან და ბევრი ზარის განხორციელება უწევთ. მათი გამოყენება მანქანაშიც კომფორტულია. წყალგაუმტარი ჩანთა მიუხედავად იმისა, რომ თანამედროვე ტელეფონების გარკვეული ნაწილი წყალგამძლეა, მათი უმეტესობა წყლის მაღალი წნევის ქვეშ ვერ ძლებენ. ასეთი შემთხვევებისთვის წყალგაუმტარი ჩანთა იდეალური გამოსავალია. წყალგამძლე ჩანთის საშუალებით, წყალქვეშ ყოფნისას შეძლებთ ფოტოებისა და ვიდეოების უსაფრთხოდ და კომფორტულად გადაღებას. შეჯამება როგორც ვნახეთ, მობილური აქსესუარების არჩევავანი მრავალფეროვანია და ისინი ერთმანეთისგან ფუნქციებით და დანიშნულებებით განსხვავდება. განსხვავებების მიუხედავად, მათ საერთო მიზანი აქვთ: გახადონ სმარტფონების გამოყენება უფრო კომფორტული, მოსახერხებელი და უსაფრთხო. |
