“საქართველოში საწვავი (ყველა კატეგორია) 20 თეთრით გაძვირდა. ფასის ზრდის ტენდენცია ექსტრაპოლაციაში გაგრძელდება და ავა 4.5 ლარამდე,“- წერს ეკონომისტი ოთო აბესაძე “ფეისბუქის“ გვერდზე.
აღსანიშნავია, რომ დღეიდან ფასის ზრდის შესახებ ზოგიერთ ბენზინგასამართ სადგურზეც გუშინვე საუბრობდნენ. მათი ინფორმაციით, ფასი დღეს მინიმუმ 15 თეთრით უნდა გაზრდილიყო, _ იუწყება bpn.ge.
“სოკარის“ ავტოგასამართ სადგურებზე დღეის მდგომარეობით, 1 ლიტრი “პრემიუმის“ ფასი – 3.47 ლარია; “რეგულარი“ – 3.38; სუპერი – 3.53; ევრო-დიზელი კი 3.50 ლარი ღირს. რაც შეეხება დიზელს, მისი ფასი 3.40 ლარია.
“ვისოლის“ ავტოგასამართ სადგურებზე კი “დიზელენერჯის“ ფასი – 3.60 ლარს შეადგენს; “ეკო დიზელის“ ტიპის საწვავის ფასი – 3.70 ლარია. “ეკოპრემიუმი“ და “ევრო რეგულარი“ დღეის მდგომარეობით, 3.65 და 3.55 ლარი ღირს; “ეკო სუპერის“ ფასმა კი 3.72 ლარი შეადგინა.
“გალფის“ სადგურებზე, 1 ლიტრი “G-Force პრემიუმის“ ფასი 3.65 ლარია; “G-Force ევრო რეგულარი“ – 3.59 ლარი ღირს; 1 ლიტრი “რეგულარის“ ფასი – 3.51; ხოლო “სუპერის“ ფასი 3.69 ლარია. რაც შეეხება ევროდიზელსა და G-Force ევრო დიზელს, მათი ფასი 3.57 და 3.63 ლარია.
დღეის მდგომარეობით, “ლუკოილის“ ბენზინგასამართ სადგურებზე, “პრემიუმ ავანგარდი“ – 3.55 ლარი ღირს, “ევრო რეგულარი“ – 3.45 ლარი ღირს; “ევრო დიზელის“ ტიპის საწვავი – 3.55 ლარი ღირს, “სუპერი ecto-ს“ ტიპის საწვავი – 3.64 ლარი; სუპერი ecto 100-ს კი – 3.60 ლარია.
რაც შეეხება “რომპეტროლის“ ავტოგასამართ სადგურებს, დღეის მდგომარეობით, “efix ევროდიზელის“ ფასი – 3.45 ლარია; 1 ლიტრი “ევროდიზელი” – 3.37 ლარი ღირს; რაც შეეხება სხვა ტიპის საწვავს, “ევრო პრემიუმი“ – 3.45 ლარი; “ევრორეგულარის“ ტიპის საწვავი – 3.35 ლარია; ხოლო “სუპერის“ ტიპის საწვავი 3.52 ლარი ღირს.
