ქუთაისში, წყალწითელას მიმდებარე ტერიტორიაზე ავტოსაგზაო შემთხვევა მოხდა. ავარიის ამსახველი ვიდეოკადრები სოციალური ქსელით გავრცელდა.
შეჯახების შედეგად ერთი ადამიანია გარდაცვლილი. დაშავდა 6 მგზავრი. დაშავებულები ქუთაისის ინტერვენციულ საავადმყოფოში გადაჰყავთ.
შინაგან საქმეთა სამინისტროს ინფორმაციით, ავარიაში სამი მანქანა ფიგურირებს. გამოძიება 276-ე მუხლის მე-5 ნაწილით მიმდინარეობს, რაც სატრანსპორტო საშუალების მოძრაობის წესების დარღვევას გულისხმობს, რამაც გამოიწვია სიცოცხლის მოსპობა.
