ჯანდაცვის მსოფლიო ორგანიზაციის მთავარი მეცნიერი ამბობს, რომ არსებობს „უზარმაზარი შეშფოთება“ ადამიანებზე H5N1 ფრინველის გრიპის გავრცელების რისკთან დაკავშირებით.
ჯერემი ფარარიმ გამაფრთხილებელი განცხადებას მას შემდეგ გააკეთა, რაც ორი კვირის წინ, ტეხასის შტატში, ძროხისგან ადამიანზე ფრინველის გრიპის გადადების შემთხვევა დაფიქსირდა. მოხმდარმა მეცნიერების შეშფოთება გამოიწვია, რადგან აქამდე მსგავსი ფაქტი არ დაფიქსირებულა.
ფრინველის გრიპი, გამოწვეულია გრიპის ვირუსებით, რომლებიც ვრცელდება გარეულ წყლის ფრინველებში და შეუძლია დააინფიციროს შინაური ფრინველი და სხვა ცხოველთა სახეობები.
ფრინველის გრიპის H5N1 ვირუსი პირველად გაჩნდა სამხრეთ ჩინეთში 1996 წელს და მას შემდეგ ფრინველებში იწვევდა ეპიდემიებს.
კანადის სურსათის ინსპექტირების სააგენტო ამბობს, რომ კანადაში მსხვილფეხა რქოსან პირუტყვში ფრინველის გრიპის არცერთი შემთხვევა არ დაფიქსირებულა, თუმცა მწარმოებლებს ურჩევენ, თვალყური ადევნონ ნიშნებს და დაუკავშირდნენ ვეტერინარს, ეჭვის გაჩენის შემთხვევაში.
”ფრინველის გრიპი უმეტესად აინფიცირებს იხვებსა და ქათმებს, მაგრამ ახლა დიდად შემაშფოთებელია, რომ ეს ვირუსი ახლა ვითარდება ძუძუმწოვრებში და ავითარებს ადამიანების დაინფიცირების უნარს, შემდეგ კი კრიტიკულ უნარს, გადავიდეს ადამიანიდან ადამიანზე”,_ თქვა ფარარმა.
ჯანდაცვის მსოფლიო ორგანიზაციის მონაცემებით, 2003 წლიდან სულ 889 ადამიანი დაინფიცირდა და H5N1-ის ამ შტამით გამოწვეული სიკვდილის 463 შემთხვევა დაფიქსირდა გლობალურად.
მეცნიერები მიიჩნევენ, რომ საუკეთესო გზა ვირუსის ირგვლივ შეშფოთების დასაძლევად არის იმის უზრუნველყოფა, რომ ქვეყნებს ჰქონდეთ სისტემები H5N1-ის სწრაფად აღმოსაჩენად, რათა თავიდან აიცილონ გავრცელება.
