რვა ერის მეორე რაუნდში საქართველო 21 ნოემბერს, საქართველოს დროით 21:15 საათზე ჰლანეჰლიში, „პარკ ი სკარლეთსზე“ უელსს ეთამაშება.
ბორჯღალოსნების მთავარმა მწვრთნელმა ლევან მაისაშვილმა, „შემოდგომის ერთა თასის“ მეორე მატჩისთვის საქართველოს ნაკრების სასტარტო შემადგენლობაში ხუთი ცვლილება გააკეთა. 9 ნომრის პოზიციაზე თამაშს ვასილ ლობჟანიძე დაიწყებს, რომელიც მგეზავ თედო აბჟანდაძეს შეუწყვილდება. 2018 წლიდან დღემდე, აბჟანდაძეს 17 თამაში აქვს ჩატარებული, აქედან 16 სასტარტო შემადგენლობაში დაიწყო და 12 შემთხვევაში 9 ნომერზე ლობჟანიძე ყავდა.
ცენტრში ინგლისთან მატჩის მსგავსად თამაშს მერაბ შარიქაძე და გიორგი კვესელაძე იწყებენ.
ფრთაზე აკაკი ტაბუცაძე და სანდრო თოდუა იქნებიან, რომელმაც ადგილი სანდრო სვანიძეს გაუცვალა. ფულბეკის პოზიციაზე თამაშს კვლავ ლაშა ხმალაძე იწყებს.
კვაჭის პოზიციაზე ძირითად შემადგენლობაში ჯაბა ბრეგვაძე ბრუნდება, ბურჯები კი კვლავ მიხეილ ნარიაშვილი და ბექა გიგაშვილი იქნებიან.
მეორე ხაზს გამოცდილი კოტე მიქაუტაძე უბრუნდება და ის გრიგორ ქერდიყოშვილს პირველად შეუწყვილდება.
მესამე ხაზში შოტლანდიასთან მატჩის შემდეგ დაბრუნდა ოთარ გიორგაძე, რომელიც თამაშს ფლანკერად იწყებს. მეორე ფლანკერი კვლავ ბექა საღინაძეა, ხოლო შერკინების შემკვრელი ბექა გორგაძე იქნება.
მარქაფა : პირველ ხაზში თამაშში მარქაფიდან ჩაერთვებიან გურამ გოგიჩაშვილი და ლექსო ყაულაშვილი, ხოლო კვაჭის პოზიციაზე გიორგი ჭყოიძეს ვიხილავთ, რომელსაც ბოლო ორ შეხვედრაში არ უთამაშია. მარქაფაში გადაინაცვლეს ლაშა ჯაიანმა და გიორგი თხილაიშვილმა. ცხრა ნომერი რეზერვში გელა აფრასიძე გვეყოლება, ფლანგები დემე თაფლაძე და თამაზ მჭედლიძე.
ხაზი: 15. ლაშა ხმალაძე 14. აკაკი ტაბუცაძე 13. გიორგი კვესელაძე 12. მერაბ შარიქაძე 11. სანდრო თოდუა 10. თედო აბჟანდაძე 9. ვასილ ლობჟანიძე
შერკინება: 1. მიხეილ ნარიაშვილი 2. ჯაბა ბრეგვაძე 3. ბექა გიგაშვილი 4. გრიგორ ქერდიყოშვილი 5. კოტე მიქაუტაძე 6. ოთარ გიორგაძე 7. ბექა საღინაძე 8. ბექა გორგაძე
მარქაფა: 16. გიორგი ჭყოიძე 17. გურამ გოგიჩაშვილი 18. ლექსო ყაულაშვილი 19. ლაშა ჯაიანი 20. გიორგი თხილაიშვილი 21. გელა აფრასიძე 22. დემურ თაფლაძე 23. თამაზ მჭედლიძე.
თავის მხრივ თითქმის მთელი გუნდი შეცვალა უელსელთა თავკაცმა, უეინ ჰივაკმა. შემადგენლობაში ადგილი მხოლოდ ლიამ უილიამსმა და ჯასტინ ტიპურიკმა შეინარჩუნეს, უილიამსი პოზიციას შეიცვლის, ფრთის ნაცვლად ფულბეკად ითამაშებს, ხოლო გუნდს მოედანზე ტიპურიკი გაიყვანს.
დებიუტი ექნება ოთხ მორაგბეს : ცხრა ნომერზე ქირან ჰარდი იდგება, შუამარბი იტამაშებს ჯონი უილიამსი, ხოლო მესამეხაზში ჯეიმს ბოთამი, მარქაფადან გუნდს მგეზავი იოან ლოიდი დაეხმარება.
პირველ რაუნდში უელსი ირლანდიას დუბლინში ეწვია და 9:32 დამარცხდა. აღსანიშნავია, რომ „დრაკონებისთვის“ ეს მიჯრით მეექვსე მარცხია და ჩვენთან თამაშს განსაკუთრებული მოტივაციით ხვდებიან.
უელსელთა რაზმი ასე გამოიყურება:
შერკინება : 1. უინ ჯონსი 2. ელიოტ დი 3. სამსონ ლი 4. ჯეიკ ბოლი 5. სებ დევისი 6. ჯეიმს ბოთამი 7. ჯასტინ ტიპურიკი 8. აარონ უეინვრაითი
ხაზი : 15. ლიამ უილიამსი 14. ჯონი მაკნიკოლი 13. ნიკ ტომპკინსი 12. ჯონი უილიამსი 11. ლუის რის-ზემიტი 10. კალუმ შიდი 9. ქირან ჰარდი
მარქაფა: 16. სემ პერი 17. ნიკი სმიტი 18. ლეონ ბრაუნი 19. კორი ჰილი 20. ჯეიმს დევისი
21. რის ვები 22. იოან ლოიდი 23. იოჰან ჰოლმსი.
