საქართველოს თავდაცვის მინისტრი ირაკლი ღარიბაშვილი რუსეთ-საქართველოს ომის დაწყებიდან 12 წლის შესრულებას გამოეხმაურა.
ღარიბაშვილის განცხადებით, საქართველოს ტერიტორიების ოკუპაციის, მსხვერპლის და უთანსწორო ბრძოლის მიუხედავად, ჯარისკაცებმა ქართული სახელმწიფოებრიობა შეინარჩუნეს.
„დღეს 12 წელი სრულდება რუსეთ-საქართველოს ომის დაწყებიდან, რომელსაც ჩვენი მშვიდობიანი თანამოქალაქეების, ჯარისკაცების და პოლიციელების სიცოცხლე შეეწირა. პატივს მივაგებ და ქედს ვიხრი მათი ხსოვნის წინაშე.
საქართველოს ტერიტორიების ოკუპაციის მიუხედავად, ჩვენმა გმირმა ჯარისკაცებმა, უთანასწორო ბრძოლაში, გმირობისა და მსხვერპლის ფასად, შესძლეს ქართული სახელმწიფოებრიობის შენარჩუნება.
მჯერა, რომ ჩვენი ტერიტორიების ოკუპაცია დროებითია. ჩვენი პრაგმატული და მშვიდობიანი პოლიტიკით შევძლებთ დეოკუპაციას და საქართველოს გაერთიანებას“,_ აცხადებს ღარიბაშვილი.
