გერმანიის კანცლერმა ოლაფ შოლცმა საზოგადოებრივ ტელეარხ ARD-თან ინტერვიუში ვაგნერის აჯაყებასთან დაკავშირებით ისაუბრა.
მისი აზრით, დაქირავებულთა აჯანყებამ დაასუსტა პრეზიდენტი ვლადიმერ პუტინი და რუსეთისთვის მომხდარის შედეგები გრძელვადიანი იქნება.
„ეს გვიჩვენებს, რომ არის ბზარები ავტოკრატიულ სტრუქტურებში, ძალაუფლების სტრუქტურებში და ის სულაც არ არის ისე მყარად მდგარი უნაგირზე, როგორც ამას ყოველთვის ამტკიცებს“, – თქვა გერმანიის კანცლერმა და არ გააკეთა კომენტარი იმასთან დაკავშირებით, თუ რამდენ ხანს შეიძლება პუტინი ხელისუფლებაში დარჩეს.
შოლცმა კიდევ ერთხელ დაადასტურა, რომ ბერლინი მხარს უჭერს უკრაინას, მაგრამ მხარდაჭერის მიზანი “რუსეთში რეჟიმის შეცვლა არ არის”.
მან დასძინა, რომ სამშვიდობო მოლაპარაკებები შეუძლებელია მანამ, სანამ მოსკოვი არ გაიყვანს თავის ჯარებს უკრაინის ტერიტორიიდან.
“ნებისმიერი სხვა ვარიანტი დააკანონებდა მომხდარს და სწორედ ამიტომ არ შეიძლება ომის უბრალოდ გაყინვა იქ, სადაც გადის ზღვარი სხვადასხვა არმიას შორის“. – აღნიშნა გერმანიის კანცლერმა.
შოლცს არ გაუკეთებია პროგნოზები იმის შესახებ, შეეძლო თუ არა დაქირავებულთა აჯანყება დააჩქაროს ომის დასრულება. მისი თქმით, გერმანია და მისი დასავლელი პარტნიორები ყურადღებით დააკვირდებიან შემდგომ მოვლენებს.
”რუსეთი არის ბირთვული ძალა, ის არის ძალიან ძლიერი ქვეყანა და ამიტომ ჩვენ უნდა დავაკვირდეთ საშიში სიტუაციების წარმოქმნას ძალიან ფრთხილად”, – თქვა შოლცმა.
ავტორი
