| “პეტომობილი ცხოველთა დაცვის ფედერაციის მწვანე პროგრამის პროექტია, მწვანე პროგრამა გულისხმობს საქველმოქმედო პროგრამას რომელიც შემოწირულებების საფუძველზე ძაღლებისა და კატების სტერილიზაციას (გამრავლების უნარის შეზღუდვა, ქირურგიული მეთოდით) ახორციელებს.
მწვანე პროგრამაში ჩართულნი არიან სხვადასხვა ვეტერინარული კლინიკები. ცხოველთა დაცვის ფედერაციის და ოზურგეთის ცხოველთა პოპულაციის ცენტრს შორის გაფორმებული მემორანდუმის ფარგლებში, “პეტომობილი”, ასევე, გამოყენებული იქნება შეფარებული და მიკედლებული ძაღლების მუნიციპალური პროგრამის ფარგლებში.
არის შემთხვევები, როდესაც ცენტრს გაფორმებული აქვს ხელშეკრულებები ოზურგეთისგან მოშორებულ მუნიციპალიტეტებთან, რა დროსაც ძაღლებს ცოტა მოშორებული მანძილებიდან უწევდათ ტრანსპორტირება ცენტრამდე და ცენტრიდან უკან დაბრუნება სტერილიზაცია/კასტრაციის შემდგომ. ამას ზოგჯერ ისეთი ჭორებიც გამოუწვევია, თითქოს მოყვანილი ძაღლები უკან არ ბრუნდებოდნენ, თუმცა, ყველა თავის ადგილას ისედაც ბრუნდებოდა, ხოლო “პეტომობილი” იძლევა საშუალებას, ისეთ მიუსაფარ ძაღლებს, რომლებსაც შემფარებელი ან მიმკედლებელი ჰყავთ, ადგილზევე ჩაუტარდეს სტერილიზაცია/კასტრაცია, ვაქცინაცია, იდენტიფიკაცია და პოსტოპერაციული პერიოდში თავად მიმკედლებელმა და შემფარებელმა განახორციელოს მისი ზედამხედველობა. ამგვარად, ის რამდენიმე საათი, როცა გზაში უწევდათ ყოფნა მიუსაფარ ცხოველებს, აღარ მოუწევთ და შედეგად ნაკლებად დაისტრესებიან. ასევე, “პეტომობილი” იძლევა კერძო მომსახურების საშუალებას,სხვადასხვა ქალაქებში და სოფლებში ცხოველთა მოყვარულებს და ცხოველთა დაცვის ორგანიზაციებს შეუძლიათ დააორგანიზონ, თავად მოიძიონ შემოწირულებები, ასევე, დამოუკიდებლად პატრონსაც შეუძლია თავად დაგვირეკოს და ისეთი პატრონიანი ან მიუსაფარი ძაღლები, რომლებიც ვერ მოხვდებიან დაფინანსებაში, თავად დააფინანსონ სტერილიზაცია შეღავათიან ტარიფში და ჩვენი ცენტრი “პეტომობილის” მეშვეობით ადგილზე მოემსახურება ასეთ ძაღლებსაც, _ ამბობენ ოზურგეთის პოპულაციის ცენტრში. დეტალური ინფორმაციისთვის ეწვიეთ პოპულაციის ცენტრის ფეისბუქგვერდს: https://www.facebook.com/profile.php?id=61558443063181&mibextid=ibOpuV |
