საქართველოს მთავრობის ოფიციალურ ფეისბუქ-გვერდზე გავრცელებული ინფორმაციის თანახმად, ქვეყნის პრემიერ-მინისრტრ გიორგი გახარიასა და მის აზერბაიჯანელ და სომეხ კოლეგებს შორის სატელეფონო საუბარი შედგა, რა დროსაც, კორონავირუსის პანდემიის გამო სამხრეთ კავკასიის ლიდერები საზღვრების დროებით ჩაკეტვაზე შეთანხმდნენ.
,,საქართველოს პრემიერ-მინისტრი გიორგი გახარია ტელეფონით ესაუბრა სომეხ და აზერბაიჯანელ კოლეგებს.
სომხეთის პრემიერ-მინისტრ ნიკოლ ფაშინიანსა და აზერბაიჯანის პრემიერ-მინისტრ ალი ასადოვთან საუბრის შედეგად, მიღებულია ერთობლივი გადაწყვეტილება, 2020 წლის 14 მარტიდან, 10 დღის განმავლობაში საქართველო-სომხეთსა და საქართველო-აზერბაიჯანს შორის მოქალაქეების გადაადგილების დროებით შეჩერების შესახებ.
ამასთან, მხარეები შეთანხმდნენ, რომ უზრუნველყოფენ სამშობლოში დაბრუნების სურვილის მქონე საკუთარი მოქალაქეების ქვეყანაში შეუფერხებელ შესვლას.
შეზღუდვები არ ვრცელდება სატვირთო გადაზიდვებზე“,_ წერია გავრცელებულ ინფორმაციაში.
