ხაშურის მუნიციპალიტეტის სოფელ ტაშისკართან ერთმანეთს სამი ავტომობილი შეეჯახა. მომხდარის შესახებ ინფორმაციას ტვ ბორჯომი ავრცელებს.
შემთხვევის ადგილზე მობილიზებული იყო სასწრაფო სამედიცინო დახმარების ჯგუფი და პოლიცია.
ავტოსაგზაო შემთხვევის შედეგად დაშავებულები ადგილობრივ სამედიცინო ცენტრში გადაიყვანეს.
შსს-ს ინფორმაციით, საქმეზე გამოძიება სსკ 276-ე მუხლის მეორე ნაწილით დაიწყო, რაც გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია.
