ნამიბიის ხელისუფლება ადგილობრივებს აფრთხილებს, არ დაიჯერონ სოციალურ მედიაში გავრცელებული ინფორმაცია, თითქოს სპილოს ფუნა კორონავირუსს კურნავს.
მეტიც, როგორც ქვეყნის გარემოს დაცვისა და ტურიზმის სამინისტროს სპიკერი, რომეო მუუნდა Reuters-თან აცხადებს, სოციალურ ქსელებში უამრავი ადამიანი ჰყიდის ცხოველის ფუნას უზარმაზარ ფასად.
განმარტებას აკეთებს ნამიბიის ჯანდაცვის მინისტრიც, კალუმბი შანგულაც: „ვინც ამტკიცებს, რომ ის კორონავირუსს კურნავს, ეს შეიძლება შეფასდეს, როგორც ყალბი განაცხადი“.
ნამიბიაში არაერთი ექიმბაში ამტკიცებს, რომ სპილოს ფუნა სხვადასხვა, მათ შორის, თავისა და კბილის ტკივილსაც აყუჩებს, თუმცა ეს პირველი შემთხვევაა, როცა მათ მსოფლიო პანდემიასთან ბრძოლა ამ საშუალებით გადაწყვიტეს.
[sexy_author_bio]
