“რუსთავი 2”- ის ინფორმაციით, ნუცუბიძის ქუჩაზე ავტოსაგზაო შემთხვევა მოხდა. ერთმანეთს, ტაქსი და ბავშვთა სასწრაფო დახმარების ავტომობილი შეეჯახა. ადგილზე მობილიზებული იყო სასწრაფო დახმარების 2 და სამაშველო სამსახურის ბრიგადა.
როგორც “რუსთავი 2-ს” შინაგან საქმეთა სამინისტროში განუცხადეს, შემთხვევის შედეგად, მსუბუქად დაშავდა 2 ადამიანი. გამოძიება 276-ე მუხლით მიმდინარეობს, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს.
