თბილისი ცხოველთა ჯანდაცვის მსოფლიო ორგანიზაციის(OIE) 28-ე ევროპის რეგიონულ კონფერენციას მასპინძლობს. ღონისძიებაში მონაწილეობას 53 ქვეყნის 120-მდე დელეგატი მონაწილეობს. სამუშაო შეხვედრის ფარგლებში, მონაწილეები ცხოველთა ჯანდაცვის, კეთილდღეობის და სურსათის უვნებლობის საკითხებს განიხილავენ. ასევე შემუშავდება რეგიონის ეპიდემიოლოგიური კეთილსაიმედოობისთვის საჭირო რეკომენდაციები, რომლებიც საბოლოო იმპლემენტაციისთვის, 2019 წლის მაისში OIE-ის დელეგატთა საერთაშორისო ასამბლეაზე დამტკიცდება.
გარემოს დაცვის და სოფლის მეურნეობის მინისტრის ლევან დავითაშვილის განცხადებით, აღნიშნული კონფერენცია მოწმობს იმას, რომ საქართველომ ბოლო წლებში ვეტერინალური უსაფრთხოების კუთხით მნიშვნელოვან წარმატებას მიაღწია
,,საქართველოს ისტორიაში პირველად იმართება ცხოველთა ჯანდაცვის შესახებ ევროპული კონფერენცია. ეს არის იმ დიდი პროგრესის აღიარება, რომელსაც საქართველომ ბოლო წლებში ვეტერინალური უსაფრთხოების კუთხით მიაღწია. ეს არის უმნიშვნელოვანესი წინაპირობა იმისთვის, რომ საქართველომ ცხოველური წარმოშობის პროდუქტები ექსპორტზე გადიოდეს მსოფლიოს ბევრ ქვეყანაში. სწორედ ასეთი ღონსძიებები უწყობს ხელს საქართველოს საერთაშორისო რეპუტაციას ცხოველთა ჯანდაცვის უსაფრხოების კუთხით“, – განაცხადა მინისტრმა.
საერთაშორისო კონფერნეციიაზე, სამხრეთ კავკასიაში შვეიცარიის თანამშრომლობის ოფისის რეგიონულმა დირექტორმა ოლივიე ბურკიმ, აღნიშნა, რომ იდენტიფიკაციის პროგრმას განსაკუთრებული მნიშვნელობა აქვს არა მხოლოდ საქართველოსთვის, არამედ მთელი რეგიონისთვის ,,საქართველოში ინერგება ცხოველთა იდენტიფიკაციისა და მიკვლევადობის თანამედროვე სისტემა და ჩვენ, შვეიცარიის თანამშრომლობის ოფისი, მოხარული ვართ, რომ ჩვენს პარტნიორებთან, ავსტრიის თანამშრომლობის სააგენტოსა და FAO-თან ერთად ჩართული ვართ ამ პროცესში და ვეხმარებით საქართველოს მთავრობას ამ მნიშვნელოვან წამოწყებაში. აქვე მინდა აღვნიშნო შვეიცარიის კვების უსაფრთხოებისა და ვეტერინარიის ფედერალური ოფისის ჩართულობა, მათი ტექნიკკური დახმარება პროექტის განხორციელებაში და მათი ექსპერტების მონაწილეობა ამ კონფერენციაში. სურსათის ეროვნული სააგენტოსა და საქართველოს გარემოს დაცვისა და სოფლის მეურნეობის სამინისტროსთან ერთად, ჩვენ მომავალშიც გავაგძელებთ ამ მიმართულებით მუშაობას“, _ განაცხადა ოლივიე ბურკიმ.
საერთაშორისო კონფერენციას გაეროს სურსათისა და სოფლის მეურნეობის ორგანიზაცია და სურსათის ეროვული სააგენტო ახორციელებს, რომელიც 3 დღის განმავლობაში გაგრძელდება და 19 სექტემბერს დაიხურება.
