მუნიციპალური განვითარების ფონდმა დაბა ჩოხატაურში ახალი საფეხბურთო ტექნიკური ცენტრისა და ხელოვნურსაფარიანი სტადიონის სამშენებლო სამუშაოების შესყიდვის შესახებ ელექტრონული ტენდერი აუქციონის გარეშე გამოაცხადა.
როგორც მუნიციპალური განვითარების ფონდის გავრცელებულ ინფორმაციაში ვკითხულობთ, შესყიდვა მოიცავს დაბა ჩოხატაურში მდებარე მიწის ნაკვეთზე (ს/კ: 28.01.22.267) ახალი საფეხბურთო ტექნიკური ცენტრისა და ხელოვნურსაფარიანი სტდიონის მშენებლობას, 300 მაყურებელზე გათვლილი ტრიბუნითა და შესაბამისი ინფრასტრუქტურით (გასახდელები, სველი წერტილები, დაცვის ჯიხური და სხვა);
“მიმწოდებელი ვალდებულია გაეცნოს შემსყიდველის მირ მიწოდებულ ტიპიურ პროექტს და მის მიერ შესრულებული დამატებითი კვლევების საფუძველზე მოამზადოს კორექტირებული, კონკრეტულ სამშენებლო ტერიტორიაზე მიბმული პროექტი და ფაქტობრივი გარემოებების შესაბამისად კორექტირებული ხარჯთაღრიცხვა, ადგილობრივი თვითმმართველობის შესაბამის უწყებასთან შეათანხმოს პროექტი და მოიპოვოს სამშენებლო ნებართვა. მიღებული მშენებლობის ნებართვის საფუძველზე განახორციელოს სამშენებლო სამუშაოები.
შენიშვნა: მიმწოდებელი ვალდებულია, საკუთარი ხარჯებით უზრუნველყოს საქართველოს კანონმდებლობით განსაზღვრული საექსპერტო დასკვნების მომზადება, ბენეფიციართან და ადგილობრივ თვითმმართველობასთან საპროექტო დოკუმენტაციის შეთახმება და მშენებლობის ნებართვის მოპოვება”,_ წერია ინფორმაციაში.
ამას გარდა, მუნიციპალური განვითარების ფონდის მიერ გამოცხადებული ტენდერის დოკუმენტაციიდან ირკვევა, რომ
“ყველა აღჭურვილობა უნდა იყოს ახალი, ექსპლოატაციაში არმყოფი. მიმწოდებელმა უნდა უზრუნველყოს, რომ ნებისმიერი გამოყენებული ტექნიკა თუ აღჭურვილობა არ გამოვიდეს მწყობრიდან მითითებული საგარანტიო ვადის გასვლამდე (ამ ტექნიკის თუ აღჭურვილობის სწორი ექსპლუატაციის პირობით). ყველა აღჭურვილობას უნდა ახლდეს შესაბამისობის სერთიფიკატი მათ შორის: მოედნის სანათი: ISO9001:2015, ISO500012018; (LED, IP66; 360 გრადუსით მბრუნავი, მრგვალი, სპორტული გაშლის კუთხეებით (15-90 გრადუსი), სიცოცხლისუნარიანობა არანაკლებ -100 000 სთ); ტრიბუნის და სათადარიგოს სკამი: ISO 9001:2015, EN 13500-1, EN 12727; ბალახის საფარი: პროექტის მოთხოვნებთან შესაბამისობის სერტიფიკატი; (ხელოვნური ბალახის საფარის სიმაღლე 55 მმ, 100% მონოფილამენტი 5/8 inch, detex 14000/6F, ღეროს სისქე 1660 მიკრონი (+- 5%), ნაკერი 10 სმ-ში -17,5 (+- 4%) ნაკერი 1 კვ. მ-ზე – 11 025, ღეროს წონა 1 კვ.მ-ზე – 1770 (+- 4%) საფარის მთლიანი წონა 1 კვ.მ-ზე 2970 (+-4%); შემსყიდველი უფლებამოსილია უარი თქვას ნებისმიერ ტექნიკასა თუ აღჭურვილობაზე, თუ ის არ შეესაბამება პროექტს და მოთხოვნილ ნორმებს.
გარდა ამისა, მიმწოდებელი ვალდებულია სამშენებლო მოედანზე უზრუნველყოს საინფორმაციო დაფების მონტაჟი, აღჭურვილობის ინსტრუქციები და გამაფრთხილებელი ნიშნები შენობის უსაფრთხო ფუნქციონირებისათვის, მოცემული ინფორმაცია უნდა იყოს ქართულ და ინგლისურ ენაზე.
ყველა ეტიკეტი, საინფორმაციო დაფები, ინსტრუქციები და გამაფრთხილებელი ნიშნები საიმედოდ უნდა იყოს დამაგრებული უჟანგავი ხრახნების საშუალებით. ყველა ეტიკეტის მოხსნა/შეცვლა უნდა იყოს მარტივი, ამიტომ დაუშვებელია მათი ჩაწებება.
საინფორმაციო დაფები სრულად უნდა აღწერდეს არსებულ სიტუაციას. მიწისქვეშა კომუნიკაციების მოწყობის დროს, გამოყენებული უნდა იქნეს განსხვავებული გამაფრთხილებლები.
გარდა ამისა, ყველა აღჭურვილობა, კაბელები და საკაბელო შეერთებები უნდა შესრულდეს ისე, რომ მინიმუმამდე იყოს დაყვანილი ხანძრის გაჩენისა და გავრცელების რისკი. მაღალი ძაბვის დროს რაიმე გაუთვალისწინებელი შემთხვევების თავიდან ასაცილებლად აუცილებლად
გამოყენებული უნდა იქნეს წრიული ამომრთველები. ასევე აუცილებლად გასათვალისწინებელია წრედიდან ამორთვის დროს ძაბვის მთლიანი დატვირთვით სხვა ხაზზე გადასვლა.
ინფორმაციისთვის, საქართველოს მთავრობის მიერ ინიცირებული სპორტული ინფრასტრუქტურის განვითარების სპეციალური პროგრამის ფარგლებში, 23 მუნიციპალიტეტში საფეხბურთო ტექნიკური ცენტრები და ხელოვნურსაფარიანი სტადიონების აშენების შესახებ ცნობილი აგვისტოში გახდა.
9 ოქტომბერს გამოცხადებულ სატენდერო შესყიდვაზე, განაცხადების მიღება 5 ნოემბერს დაიწყება და 10 ნოემბერს უნდა შეწყდეს. სახელმწიფო შესყიდვის სავარაუდო ღირებულება კი რომელიც მოიცავს ჩოხატაურის მუნიციპალიტეტის დაბა ჩოხატაურში, ვანის მუნიციპალიტეტის სოფელ ციხესულორში და ოზურგეთის მუნიციპალიტეტის სოფელ ბახვში საფეხბურთო ტექნიკური ცენტრებისა და ხელოვნურსაფარიანი სტადიონების მშენებლობის სამუშაოების შესრულებას 15 14 113.00 ლარს შეადგენს.
